மேலும் 23 லட்சம் சினோபார்ம் தடுப்பூசிகள் இலங்கை வந்தடைவு!!

மேலும் 23 லட்சம் சினோபார்ம் தடுப்பூசிகள் இன்று அதிகாலை இலங்கையை வந்தடைந்துள்ளன.

இந்த தடுப்பூசிகள் இன்று கட்டுநாயக்க விமான நிலையம் ஊடாக இலங்கையை வந்தடைந்தன.

அவற்றில் 20 லட்சம் சினோபார்ம் தடுப்பூசிகள் இலங்கை மருந்தக கூட்டுத்தாபனத்தால் கொள்வனவு செய்யப்பட்டுள்ளதுடன், மேலும் 3 லட்சம் சினோபார்ம் தடுப்பூசிகள் இலங்கை இராணுவத்தினருக்கு நன்கொடையாக சீன மக்கள் இராணுவத்தால் அனுப்பி வைக்கப்பட்டுள்ளன.

இந்த நிலையில், இதுவரை சீனாவால் இலங்கைக்கு வழங்கப்பட்ட சினோபார்ம் தடுப்பூசிகளின் மொத்த எண்ணிக்கை ஒரு கோடியே 80 லட்சமாக அதிகரித்துள்ளது என சீனத் தூதரகம் தெரிவித்துள்ளது.