‘நேர்மைக்கு மகுடம்’ – விண்ணப்பங்கள் கோரிக்கை

இன்டகிரிட்டி ஐக்கன் (நேர்மைக்கு மகுடம்) 2022/23இற்கான விண்ணப்பங்கள் மற்றும் பரிந்துரைகள் ஏற்றுக்கொள்ளப்படுவதாக ட்ரான்ஸ்பெரன்சி இன்டர்நெஷனல் ஸ்ரீலங்கா அறிவித்துள்ளது.

அரச சேவையில் நேர்மையுடன் பொதுமக்களின் நலன்களுக்காக தம்மை அர்ப்பணிக்கின்ற அரச ஊழியர்களை கௌரவிக்கும் செயற்பாட்டை ட்ரான்ஸ்பெரன்சி இன்டர்நெஷனல் ஸ்ரீலங்கா முன்னெடுத்து வருகிறது.

இன்டகிரிட்டி ஐக்கன் (நேர்மைக்குமகுடம்) 2022/23 இற்கான விண்ணப்பங்கள் மற்றும் பரிந்துரைகளை எதிர்வரும் 2023 ஜனவரி இறுதிக்குள் சமர்ப்பிக்க முடியும்.

விண்ணப்பம் மற்றும் கையேட்டினை www.integrityicon.lk எனும் இணையத்தளத்தினூடாக பதிவிறக்கம் செய்துகொள்ளலாம் அல்லது 0711295295/0763223442 எனும் தொலைபேசியூடாகவோ அல்லது icon@tisrilanka.org எனும் மின்னஞ்சலூடாகவோ தொடர்பு கொள்வதனூடாகவும் குறித்த விண்ணப்பம் மற்றும் கையேட்டினைப் பெற்றுக்கொள்ளலாம் என அறிவிக்கப்பட்டுள்ளது.

#SriLankaNews