உலகின் முன்னணி காணொளி தளமான யூடியூப், 2025 ஆம் நிதியாண்டில் 60 பில்லியன் டொலருக்கும் அதிகமான வருவாயைப் ஈட்டி புதிய சாதனை படைத்துள்ளது. 2006 இல் கூகுள் இந்தத் தளத்தைக் கையகப்படுத்திய பிறகு, அதன் வருமானத்தைத் தனித்து வெளியிட்டிருப்பது இதுவே முதல் முறையாகும்.
விளம்பரங்கள் மற்றும் சந்தாக்கள் (Subscriptions) மூலம் ஈட்டப்பட்ட 60 பில்லியன் டொலர் வருமானம், அதன் பிரதான போட்டியாளரான நெட்ஃபிளிக்ஸின் (45 பில்லியன் டொலர்) வருவாயை விட கணிசமாக அதிகமாகும்.
சர்வதேச அளவில் 50 சதவீதத்திற்கும் அதிகமானோர் தினசரி அடிப்படையில் யூடியூப்பைப் பயன்படுத்துகின்றனர். யூடியூப்பின் குறுங்காணொளி சேவை தினசரி 200 பில்லியன் பார்வைகளைப் பெற்று டிக்டாக்கிற்குப் பலத்த போட்டியை வழங்கி வருகிறது.
கூகுள் CEO சுந்தர் பிச்சை குறிப்பிடுகையில், ‘யூடியூப் பிரீமியம்’ சந்தாதாரர்களின் எண்ணிக்கை 2025 இல் 325 மில்லியனைத் தாண்டியுள்ளது என்றார். விளம்பரங்கள் அற்ற சேவை மற்றும் பின்னணி இசை (Background Play) வசதி ஆகியவற்றுக்கு நுகர்வோர் மத்தியில் பெரும் வரவேற்பு கிடைத்துள்ளதே இதற்கு முக்கிய காரணமாகும்.
வெற்றிகளுக்கு மத்தியில் சில சவால்களையும் கூகுள் எதிர்கொண்டுள்ளது கூகுள் தேடல் முடிவுகளில் வரும் AI சுருக்கங்கள் (AI Overviews), உள்ளடக்க உருவாக்குநர்களின் (Creators) இணையதளங்களுக்குச் செல்லும் போக்குவரத்தைக் (Traffic) குறைக்கக்கூடும் என அஞ்சப்படுகிறது.
இது தொடர்பாக ஐரோப்பிய ஆணையம் மற்றும் பிரித்தானிய அமைப்புகள் தற்போது விசாரணைகளை முன்னெடுத்து வருகின்றன.
இருப்பினும், வருங்காலத்தில் செயற்கை நுண்ணறிவு (AI) துறையில் தனது முதலீடுகளை மேலும் அதிகரிக்கப் போவதாகக் கூகுள் நிறுவனம் உறுதிபடத் தெரிவித்துள்ளது.
