தடைகளைத் தகர்த்து தமிழர் தாயகமெங்கும் மாவீரர் நாள் நினைவேந்தல்

தாயக விடுதலைக்காக உயிர்நீத்த மாவீரர்கள் தடைகளைத் தாண்டி நேற்றைய தினம் தமிழர் தாயகத்திலும், தமிழர்கள் வாழும் தேசங்களிலும் மிகவும் உணர்வுபூர்வமாக நினைவுகூரப்பட்டனர்.

இராணுவ மற்றும் பொலிஸ் கெடுபிடிகளுக்கு மத்தியில் தமிழர் தாயகத்தில் உள்ள மாவீரர் துயிலுமில்லங்களிலும், வீடுகளிலும் மாவீரர்களுக்கு நினைவுச்சுடர் ஏற்றப்பட்டது.

நேற்று மாலை 6.05 மணியளவில் மணியொலி எழுப்பப்பட்டதையடுத்து, அகவணக்கம் செலுத்தப்பட்டது. அதையடுத்து, 6.07 மணியளவில் தமிழர் தாயகப் பகுதிகளிலும் தமிழர்கள் வாழும் தேசங்களிலும், ஒரே நேரத்தில் நினைவுச்சுடர்கள் ஏற்றப்பட்டன.

தமிழர் தாயகத்தில் பல ஆண்டுகளுக்குப் பின்னர் கெடுபிடிகளுக்கு மத்தியில் நேற்றையதினம் மாவீரர் நாள் நிகழ்வுகள் மிகவும் உணர்வுபூர்வமாக நடைபெற்றன.

கிளிநொச்சியில் – கனகபுரம் மற்றும் முழங்காவில் துயிலுமில்லங்களிலும், மன்னாரில் – பெரியபண்டிவிரிச்சான், ஆட்காட்டிவெளி துயிலுமில்லங்களிலும், யாழ்ப்பாணத்தில் – சாட்டி துயிலும் இல்லம், தீருவில் திடல், பருத்தித்துறை முனைப்பகுதி மற்றும் யாழ்ப்பாண பல்கலைக்கழகத்திலும், முல்லைத்தீவில் வன்னிவிளாங்குளம் துயிலுமில்லத்திலும் மாவீரர் நினைவு நிகழ்வுகள் இடம்பெற்றன.

பொதுமக்கள், மாவீரர்களின் பெற்றோர், மதத்தலைவர்கள் மற்றும் அரசியல் பிரமுகர்கள் உணர்வுடன் ஒன்றுகூடி சுடர்களை ஏற்றினர்.

இதேவேளை அஞ்சலி நிகழ்வுகளில் கலந்துகொள்ளாத அரசியல் பிரமுகர்கள் உட்பட பொதுமக்கள் அனைவரும் தமது இல்லங்களில் சுடர் ஏற்றி மாவீரர்களை நினைவுகூர்ந்தமையும் குறிப்பிடத்தக்கது.

https://tamilnaadi.com/news/2021/11/27/maaveerar-day-pointpedro/

https://tamilnaadi.com/news/2021/11/27/maaveerar-naal-valvettithurai/

https://tamilnaadi.com/news/2021/11/27/maaveerar-naal-alampil/

https://tamilnaadi.com/news/2021/11/27/maaveerar-naal-raviraj-home/

https://tamilnaadi.com/news/2021/11/27/mullaitheevu-maaveerar-naal/

https://tamilnaadi.com/news/2021/11/27/heroes-day-commemorations-begin-in-diaspora-countries/

https://tamilnaadi.com/news/2021/11/27/maaveerar-day-sreedharan-paid-tribute/

https://tamilnaadi.com/news/2021/11/27/memorial-at-chatti-beach-overcoming-obstacles/

https://tamilnaadi.com/news/2021/11/27/commemorations-of-heroes-beyond-obstacles-at-the-university-of-jaffna/

https://tamilnaadi.com/news/2021/11/27/people-gather-in-valvettithurai-police-army-concentrated/

#SriLankaNews