விசா இரத்து: ஏமாற்றத்துடன் நாடு திரும்பிய ஜோகோவிச்!-

அவுஸ்திரேலியாவை விட்டு வெளியேற்றப்பட்ட டென்னிஸ் வீரர் ஜோகோவிச், துபாய் விமான நிலையத்தில் பெல்கிரேடு செல்லும் விமானத்தில் சொந்த நாட்டிற்கு திரும்பியுள்ளார்.

அவுஸ்திரேலியாவில் கொவிட் 19 தடுப்பூசி செலுத்தியிருக்க வேண்டும் என்ற விதிமுறைகள் அறிவிக்கப்பட்டுள்ளது.

இந்த நிலையில் சேர்பிய வீரரான ஜோகோவிச் அவுஸ்திரேலிய ஓபன் பட்டத்தை தக்கவைக்கும் நோக்கில் தடுப்பூசி செலுத்த வேண்டுமென்ற விதிமுறையைக் கடைபிடிக்காமல் அவுஸ்திரேலியாவுக்குச் சென்றிருந்தார்.

ஆனால் அவரது விசா 2 முறை இரத்து செய்யப்பட்டது. டென்னிஸ் வீரர் ஜோகோவிச் தாக்கல் செய்த மேன்முறையீட்டு மனுவை நீதிமன்றம் தள்ளுப்படி செய்ததுடன், அரசின் முடிவிற்கு சாதகமாகவே நேற்று தீர்ப்பளித்தது.

இதையடுத்து அவுஸ்திரேலிய பொலிசாரின் பாதுகாப்புடன் ஐக்கிய அரபு அமீரக விமான நிலையத்திற்கு சென்ற ஜோகோவிச், பெல்கிரேடு செல்லும் விமானத்தில் சொந்த நாட்டிற்கு திரும்பியுள்ளார்.

#SportsNews