மேலும் சில பொருட்களின் விலைகள் குறைப்பு

பருப்பு, கோதுமை மா உள்ளிட்ட ஐந்து அத்தியாவசிய உணவுப் பொருட்களின் விலைகளை இன்று (14) முதல் அமுலாகும் வகையில் குறைத்துள்ளதாக லங்கா சதொச நிறுவனம் அறிவித்துள்ளது.

நாடுமுழுவதிலும் உள்ள அனைத்து சதொச விற்பனை நிலையங்களிலும் குறித்த 5 பொருட்களையும் புதிய விலைக்கு கொள்வனவு செய்ய முடியும் என்றும் நிறுவனம் அறிவித்துள்ளது.

அதற்கமைய ஒரு கிலோ கிராம் பருப்பு 4 ரூபாயால் குறைக்கப்பட்டு புதிய விலையாக 385 ரூபாயும் 15 ரூபாய் குறைக்கப்பட்டு ஒருகிலோ கிராம் கோதுமைா 250 ரூபாய்க்கும் விற்பனை செய்யப்படவுள்ளது.

பூண்டு, பெரிய வெங்காயம் மற்றும் டின் மீன் ஆகியவற்றின் விலைகள் முறையே 35, 9 மற்றும் 5 ரூபாய்களால் குறைக்கப்பட்டுள்ளன.

ஒரு கிலோ பூண்டு 460 ரூபாய்க்கும், ஒரு கிலோ வெங்காயம் 190 ரூபாய்க்கும், 425 கிராம் நிறையுடன் டின் மீன் 490 ரூபாய்க்கும் விற்பனை செய்யப்படவுள்ளன.

#SriLankaNews