வளிமண்டலவியல் திணைக்களம் வெளியிட்டுள்ள அறிவித்தலில் படி, கடந்த 24 மணித்தியாலங்களில் அதிகபட்ச மழைவீழ்ச்சி நுவரெலியா – நோர்ட்டன் பகுதியில் பதிவாகியுள்ளது.
குறித்த மழை வீழ்ச்சியானது, நோர்ட்டன் பகுதியில் 258.6 மில்லிமீற்றராக பதிவாகியுள்ளதாக அந்த திணைக்களம் குறிப்பிட்டுள்ளது.
நேற்றைய தினம் காலை 8.30 மணி முதல் இன்றைய தினம் காலை 8.30 மணி வரையான 24 மணித்தியால காலப்பகுதியில் கெனியன் பகுதியில் 234.6 மி.மீ., லக்ஷபானவில் 208 மி.மீ., காசல்ரீயில் 164 மி.மீ., மாவுஸ்ஸாக்கலை பகுதியில் 125 மி.மீ., மேல் கொத்மலையில் 110.3 மி.மீ. மற்றும் கொத்மலை பகுதியில் 105 மி.மீ. மழைவீழ்ச்சியும் பதிவாகியுள்ளமை குறிப்பிடத்தக்கது.
