கல்லூரிகளுக்கு விடுமுறையளித்த கனமழை

இந்தியா தமிழகத்தில், தொடர்ந்து பெய்த கடும் மழையால், பாடசாலைகளுக்கு விடுமுறையளிக்கப்பட்டுள்ளது.

வங்கக்கடலில் நிலவும் காற்றழுத்த தாழ்வு நிலை காரணமாக, இந்தியா தமிழகத்தில் கடும் மழை பெய்து வருகிறது.

தொடர்ந்து 4 நாட்களுக்குக் கடும் மழை தொடரும் என, இந்திய வானிலை ஆராய்ச்சி மையம் எதிர்வு கூறியுள்ள நிலையில், நாளை தமிழகத்தில் சில மாவட்டங்களில் பாடசாலைகளுக்கு விடுமுறையளிக்கப்பட்டுள்ளது.

இதற்கமைய தமிழக மாநிலத்தில், திருநெல்வேலி, தூத்துக்குடி, புதுக்கோட்டை, விருதுநகர், திண்டுக்கல், அரியலூர், தேனி மாவட்டங்களில் பாடசாலைகள், கல்லூரிகளுக்கு விடுமுறை வழங்குவதாக அறிவிக்கப்பட்டுள்ளது.

அத்துடன் மதுரை, இராமநாதபுரம், திருவாரூரில் பாடசாலைகளுக்கு மாத்திரம் நாளைய தினம் விடுமுறை வழங்கப்பட்டுள்ளது.

தூத்துக்குடி மற்றும் திருநெல்வேலி மாவட்டங்களில் இன்று மதியமளவிலேயே, பாடசாலைகளுக்கு விடுமுறையளிக்க அந்தந்த மாவட்ட ஆட்சியர்கள் அறிவித்திருந்த நிலையில், தற்போது மேலும் சில மாவட்டங்களுக்கும் இந்த அறிவிப்பு வெளியிடப்பட்டுள்ளமை குறிப்பிடத்தக்கது.

#india