நெருக்கடியில் இருந்து மீள்வதற்கு பரந்த கூட்டணி அவசியம்! – விமல் வீரவன்ச

” எதிரணி உறுப்பினர்களையும் இணைத்துக்கொண்டு, பலமான கூட்டணியாக பயணிக்க வேண்டிய தருணத்தில், இருப்பவர்களை ஒதுக்கக்கூடாது.” – என்று தேசிய சுதந்திர முன்னணியின் தலைவரும், அமைச்சருமான விமல் வீரவன்ச இன்று தெரிவித்தார்.

இராஜாங்க அமைச்சர் பதவியில் இருந்து சுசில் பிரேமஜயந்த நீக்கப்பட்டுள்ள விவகாரம் தொடர்பில் கருத்து வெளியிடுகையிலேயே அவர் இவ்வாறு கூறினார்.

” எதிர்க்கட்சியில் உள்ளவர்களையும் இணைத்துக் கொண்டு தேசிய இணக்கப்பாட்டுடன் நாடு எதிர்நோக்கியுள்ள நெருக்கடியில் இருந்து மீள்வதற்கு பரந்த கூட்டணியொன்றை ஏற்படுத்திக்கொள்ள வேண்டிய தருணமே இது.

எனவே, இருப்பவர்களையும் அகற்றிவிடக்கூடாது. அதேபோல தனிநபர்மீது பழிகளை சுமத்தாமல், உண்மை நிலை அறிந்து விமர்சனங்களை முன்வைக்க வேண்டும்.” – எனவும் விமர் வீரவன்ச குறிப்பிட்டார்.

அத்துடன், மைத்திரிபால சிறிசேன அரசை விமர்சிப்பது தொடர்பில் எழுப்பட்ட கேள்விக்கு பதிலளித்த அவர், அது 2015 முதல் 2017வரையான காலப்பகுதியில் ஆற்றிய உரையாக இருக்கலாம் – என்றார்.

#SriLankaNews