தூங்கும் நேரத்தை குறைப்பது எப்படி? – ஜப்பானில் பயிற்சி

தூங்கும் நேரத்தை குறைப்பது எப்படி? – ஜப்பானில் பயிற்சி

துாக்கம் பலருக்கு வரம். சிலருக்கு சாபம் என்றே சொல்லலாம்.

ஆனால் மனிதன் ஆரோக்கியமாக வாழ ஒர் இரவுக்கு 7 அல்லது அதற்கு மேற்பட்ட மணிநேரங்கள் தவறாமல் தூங்க வேண்டும் என ஆய்வுகள் தெரிவிக்கின்றன.

இவ் ஆய்வுகளை பொய்யாக்கும் வகையில் ஜப்பானில் 30 நிமிடங்கள் மட்டுமே தூங்கும் 36 வயதுடைய தைசுகே ஹோரி வசித்து வருகிறார். இவர் ஜப்பான் ஷார்ட் ஸ்லீப்பர் அசோசியேஷன் தலைவராக பதவி வகித்து வருகிறார்.

இவ் விடயம் தொடர்பாக, தைசுகே ஹோரி கூறியதாவது:

“எல்லாரையும் போல நானும் 8 மணி நேரம் தூங்கிக்கொண்டு இருந்தேன். ஆனால் பல வேலைகள் பாதித்தன. எனவே தூங்கும் நேரத்தை குறைக்கத் தொடங்கினேன். கொஞ்சம் கொஞ்சமாக குறைத்து 12 ஆண்டுகளாக ஒரு நாளைக்கு 30 நிமிடங்கள் மட்டுமே தூங்குகிறேன். சில நாள்களில் அரை மணி நேரத்துக்கும் குறைவாகக்கூட தூங்குகிறேன். இதனால் உடல் ரீதியாக எந்த பாதிப்பும் ஏற்படவில்லை” என தெரிவித்துள்ளார்.

மேலும் இவர் தூங்கும் நேரத்தை எப்படி குறைப்பது? என்பது குறித்து நூற்றுக்கணக்கானோருக்கு பயிற்சி அளித்து வருகின்றமை குறிப்பிடத்தக்கது.