உலகம்செய்திகள்

கனடாவுக்குச் செல்லவேண்டாம்… மாணவர்களுக்கு ஆலோசனை

2 20 scaled
Share

கனடாவுக்குச் செல்லவேண்டாம்… மாணவர்களுக்கு ஆலோசனை

கனடா இந்திய தூதரக உறவுகளில் பாதிப்பு ஏற்பட்டுள்ளதைத் தொடர்ந்து, உயர் கல்விக்கு ஆலோசனை வழங்கும் இணைய தளங்கள், கனடாவுக்குச் செல்வதற்கு பதிலாக, அமெரிக்கா அல்லது பிரித்தானியாவுக்குச் செல்லுமாறு மாணவ மாணவியருக்கு ஆலோசனை வழங்கத் துவங்கியுள்ளன.

கனடா இந்திய மோதல், கனடாவிலிருக்கும், மற்றும் கனடாவுக்கு கல்வி கற்கச் செல்லும் திட்டத்திலிருக்கும் இந்திய மாணவ மாணவிகளை பெரிதும் கவலையடையச் செய்துள்ளது.

இந்தியா கனேடியர்களுக்கு விசா வழங்குவதை நிறுத்தியுள்ளதைத் தொடர்ந்து, கனடா அதற்கு எப்படி பதிலடி கொடுக்கப்போகிறது என்பது தெரியாத ஒரு சூழல் நிலவுகிறது.

இப்படிப்பட்ட ஒரு சூழலில், உயர் கல்விக்கு ஆலோசனை வழங்கும் இணைய தளங்கள், மாணவமாணவியர், கனடாவுக்கு உயர் கல்வி கற்கச் செல்வதற்கு பதிலாக, அமெரிக்கா அல்லது பிரித்தானியாவுக்குச் செல்லுமாறு ஆலோசனை கூறத்துவங்கியுள்ளன.

ஆனால், அது அவ்வளவு எளிதல்ல. ஏற்கனவே கனடாவிலுள்ள கல்லூரிகளுக்கு விண்ணப்பித்துவிட்ட மாணவ மாணவிகள், கல்லூரிகளில் சேர்ந்துவிட்ட மாணவ மாணவிகள், என்ன செய்வதென தெரியாமல் திகைத்துப்போயிருக்கிறார்கள்.

கனடா இந்திய தூதரக உறவில் பாதிப்பு ஏற்பட்டு, இம்மாதம், அதாவது, செப்டம்பர் 21ஆம் திகதி கனேடியர்களுக்கு விசா வழங்கும் சேவை காலவரையறையின்றி நிறுத்திவைக்கப்பட்டுள்ளதாக இந்தியா அறிவிப்பு வெளியிட்டதுமே, திகிலடைந்த ஏராளம் மாணவ மாணவிகள், தாங்கள் கனடா செல்ல விண்ணப்பித்துள்ள அலுவலகங்களை பதற்றத்துடன் அழைக்கத் துவங்கியுள்ளார்கள்.

விசா பெற்றுவிட்டவர்கள், கனடாவில் இந்திய மாணவர்கள் பாதுகாப்பாக இருக்கமுடியுமா, பிரச்சினை மேலும் பெரிதாகுமா என வினவத் துவங்கியுள்ளார்கள்.

உயர் கல்விக்கு ஆலோசனை வழங்கும் இணைய தளங்கள், மாணவமாணவியர், கனடாவுக்கு உயர் கல்வி கற்கச் செல்வதற்கு பதிலாக, அமெரிக்கா அல்லது பிரித்தானியாவுக்குச் செல்லலாம் என எளிதாக கூறிவிட்டாலும், ஏற்கனவே பெருந்தொகையை கல்விக்கட்டணமாக செலுத்திவிட்ட மாணவ மாணவியருக்கு, அந்த கட்டணத்தை இழந்துவிட்டு மீண்டும் வேறொரு நாட்டுக்கு கல்வி கற்க விண்ணப்பிப்பது எளிதான விடயமில்லை.

ஆக, இரு நாடுகளின் உறவுகளில் முன்னேற்றம் ஏற்படுமா, மாணவ மாணவியர் கனடாவில் பாதுகாப்பாக கல்வி கற்கலாம் என்னும் உறுதியான நிலை ஏற்படுமா, என்று பொறுத்திருந்து பார்ப்பதைத் தவிர இப்போதைக்கு வேறு வழியில்லை.

Share
Related Articles
25 3
இலங்கைசெய்திகள்

உள்ளூராட்சி மன்றங்களில் ஆட்சி அமைப்பது தொடர்பில் பேச்சுவார்த்தை

உள்ளூராட்சி மன்றங்களில் ஆட்சி அமைப்பது தொடர்பில் ஜனநாயக தமிழ் தேசியக் கூட்மைப்புடன் பேச்சுவார்த்தை நடத்தியுள்ளோம் என...

22 5
இலங்கைசெய்திகள்

யாழில் ஆலயத்திற்கு அழைத்து வரப்பட்ட யானை மிரண்டதால் இருவர் காயம்

யாழ்ப்பாணத்தில் உள்ள ஆலயம் ஒன்றிற்கு தென்னிலங்கையில் இருந்து அழைத்து வரப்பட்ட யானை மிரண்டதால் இருவர் காயமடைந்த...

21 6
இலங்கைசெய்திகள்

வடக்கு – கிழக்கில் காணிகளை அபகரிக்கும் வர்த்தமானியின் உள்நோக்கம் என்ன.. சிறீதரன் தெரிவிப்பு

வடக்கு – கிழக்கு மாகாணங்களில் உள்ள 5,700 ஏக்கருக்கும் அதிகமான தமிழர்களின் பூர்வீக நிலங்களைச் சுவீகரிப்பதற்காக...

24 4
இலங்கைசெய்திகள்

கொழும்பு மாநகர சபையை கைப்பற்ற பேரம் பேசும் அரசாங்கம்! நாடாளுமன்றில் பகிரங்க குற்றச்சாட்டு

கொழும்பு மாநகர சபையின் அதிகாரத்தை பெற்றுக்கொள்ள பல உறுப்பினர்களுடன் அரசு மில்லியன் கணக்கான ரூபா பேரம்...