பாகிஸ்தான் முதல் இன்னிங்ஸில் 217 – மேற்கிந்தியத் தீவுகள் தடுமாற்றம்!!

பாகிஸ்தான் முதல் இன்னிங்ஸில் 217 – மேற்கிந்தியத் தீவுகள் தடுமாற்றம்!!

மேற்கிந்தியத் தீவுகளுக்கு எதிரான முதல் டெஸ்ட் ஆட்டத்தில் பாகிஸ்தான் அணி முதல் இன்னிங்சில் 217 ஓட்டங்களுக்கு அனைத்து விக்கெட்களையும் இழந்துள்ளது.

பாகிஸ்தான் அணி வெஸ்ட்இண்டீசில் சுற்றுப்பயணம் மேற்கொண்டு நான்கு ரி-20 ஆட்டங்கள், இரண்டு டெஸ்ட் ஆட்டங்கள் கொண்ட தொடரில் விளையாடி வருகிறது.

முதலில் நடைபெற்ற ரி-20 தொடரில் 3 ஆட்டங்கள் கைவிடப்பட்டதால் பாகிஸ்தான் 1-0 என்ற கணக்கில் தொடரை வென்றது.

தற்போது இரு அணிகளுக்கு இடையிலான முதல் டெஸ்ட் போட்டி ஜமைக்காவில் நடைபெற்று வருகின்றது. நாணயச் சுழற்சியில் வென்ற மேற்கிந்தியத் தீவுகள் அணி முதலில் பந்து வீச்சை தேர்வுசெய்தது.

முதலில் துடுப்பெடுத்தாடிய பாகிஸ்தான் அணி முதல் இன்னிங்சில் 70.3 பந்துப் பரிமாற்றங்களில் 217 ஓட்டங்களுக்கு அனைத்து இலக்குகளையும் இழந்தது. முன்னணி வீரர்கள் குறைந்த ஓட்டங்களுடன் ஆட்டமிழந்தனர். அந்த அணியின் பஹாத் ஆலம் அரை சதமடித்து 56 ஓட்டங்களுடன் ஆட்டமிழந்தார். பஹீம் அஷ்ரப் 44 ஓட்டங்களும், பாபர் அசாம் 30 ஓட்டங்களும் எடுத்தனர்.

தொடர்ந்து மேற்கிந்தியத் தீவுகள் அணி தனது முதல் இன்னிங்சை ஆரம்பித்தது. முதல் நாள் முடிவில் வெஸ்ட் இண்டீஸ் 2 இலக்குகள் இழப்புக்கு 2 ஓட்டங்களை எடுத்திருந்தது.