வடக்கில் 33 பேருக்கு தொற்று உறுதி!

வடக்கு மாகாணத்தில் 33 பேருக்கு கொரோனாத் தொற்று உறுதிப்படுத்தப்பட்டுள்ளது.

நேற்றைய தினம் யாழ்.போதனா வைத்தியசாலையில் 267 பேருக்கு பி.சி.ஆர். பரிசோதனை மேற்கொள்ளப்பட்டது. இப் பரிசோதனையிலேயே குறித்த தொற்றாளர்கள் அடையாளம் காணப்பட்டுள்ளனர்.

இதன்படி, முல்லைத்தீவு மாவட்ட மருத்துவமனையில் 6 பேர்,வெலி ஓயா சுகாதார வைத்திய அதிகாரி பிரிவில் 4 பேர், மல்லாவி ஆதார வைத்தியசாலையில் 3 பேர் உட்பட முல்லைத்தீவு மாவட்டத்தில் 13 பேர் தோற்றாளர்களாக அடையாளம் காணப்பட்டுள்ளனர்.

இதேவேளை, யாழ்.போதனா வைத்தியசாலையில் 2 பேர், சாவகச்சேரி ஆதார வைத்தியசாலையில் 2 பேர்,
யாழ்.மாநகர சுகாதார வைத்திய அதிகாரி பிரிவில் 2 பேர், நல்லூர் சுகாதார வைத்திய அதிகாரி பிரிவில் 2 பேர், தெல்லிப்பழை ஆதார வைத்தியசாலையில் 2 பேர், நொதேர்ன் சென்ரல் தனியார் மருத்துவமனையில் ஒருவர் உட்பட யாழ்.மாவட்டத்தில் 11 பேர் அடையாளம் காணப்பட்டுள்ளனர்.

அத்துடன், கிளிநொச்சி மாவட்ட மருத்துவமனையில் 3 பேரும்,மன்னார் மாவட்ட மருத்துவமனையில் 2 பேரும்,
வவுனியா மாவட்ட மருத்துவமனையில் 3 பேரும் அடையாளம் காணப்பட்டுள்ளதுடன், காங்கேசன்துறை கடற்படை முகாமிலும் ஒருவர் அடையாளம் காணப்பட்டுள்ளார்.