பொதுவெளியில் அமெரிக்காவை கடிந்த சீனா!

உலகளாவிய விதிகளை தனிப்பட்ட நாடுகளால் எழுத முடியாது என கூறி அமெரிக்காவை சீன அதிபர் ஜின்பிங் மறைமுகமாக சாடியுள்ளார்.

உலகின் இருபெரும் பொருளாதார நாடுகளான அமெரிக்கா மற்றும் சீனா இடையே  அண்மைக்காலமாக மோதல் போக்கு அதிகரித்து வருகிறது.

முன்னெப்போதும் இல்லாத வகையில் இருநாடுகளின் உறவு நிலையும் மோசமாகியுள்ளது.

ஐ.நா.வில் சீனாவின் சட்டப்பூர்வ இருக்கை மீட்டெடுக்கப்பட்ட 50-வது ஆண்டு நிறைவை குறிக்கும் மாநாட்டில் பேசிய சீன  ஜனாதிபதி ஜின்பிங் அமெரிக்காவை மறைமுகமாக சாடி உரையாற்றினார்.மாநாட்டில் அவர் உரையாற்றும்போது ஐ.நா. சபையின் அதிகாரத்தையும் நிலைப்பாட்டையும் நாம் உறுதியுடன் நிலைநிறுத்த வேண்டும்.

சர்வதேச விதிகளை 193 ஐ.நா. உறுப்பு நாடுகளால் மட்டுமே உருவாக்க முடியும்.

தனிப்பட்ட நாடுகள் அல்லது நாடுகளின் கூட்டங்களால் தீர்மானிக்க முடியாது.

சீன மக்கள் எப்போதும் ஐ.நாவின் அதிகாரத்தையும் புனிதத்தையும் நிலைநிறுத்தியுள்ளனர் என்றும், ஐ.நாவுடனான சீனாவின் ஒத்துழைப்பு கடந்த 50 ஆண்டுகளாக சீராக ஆழமடைந்துள்ளது’  எனக் குறிப்பிட்டார்.

#world