‘நெஞ்சுக்கு நீதி’ மோஷன் போஸ்டர்

நடிகர் உதயநிதி ஸ்டாலின் நடிக்கும் ‘நெஞ்சுக்கு நீதி’ படத்தின் மோஷன் போஸ்டர் வெளியாகியுள்ளது.

கனா திரைப்படத்தின் இயக்குநர் அருண்ராஜா காமராஜ் இந்தப் படத்தை இயக்குகின்றார்.

ஏற்கனவே, ஹிந்தியில் வெளியாகிய ஆர்ட்டிக்கில் 15 என்ற திரைப்படத்தின் தமிழ் ரீமேக் கதையே, ‘நெஞ்சுக்கு நீதி’ திரைப்படத்தின் கதையாகும்.

தமிழுக்காக சில மாற்றங்களுடன் இந்தப்படம் எடுக்கப்படவுள்ளது.

உதய நிதிக்கு ஜோடியாக, நடிகை தான்யா ரவிச்சந்திரன் நடிக்கிறார்.

ஆரி அர்ஜுனன், ஷிவானி ராஜசேகர், மயில் சாமி, சுரேஷ் சக்ரவர்த்தி, இளவரசு, ‘ராட்சசன்’ சரவணன் உள்ளிட்ட பலர் படத்தில் நடிக்கின்றனர்.
திபு நினன் தாமஸ் இசையமைக்கவுள்ளார்.

நெஞ்சுக்கு நீதி படத்தின் 2 கட்ட படப்பிடிப்புகள் நடந்து முடிந்து விட்டதாகவும் 3ம் கட்ட படப்பிடிப்பு விரைவில், பொள்ளாச்சி மற்றும் கோயம்புத்தூரில் நடக்கவுள்ளதாக படக்குழு அறிவித்துள்ளமை குறிப்பிடத்தக்கது.