திரையுலகின் முன்னணி நட்சத்திரமும், சர்வதேச கார் பந்தய வீரருமான அஜித்குமாரின் சவாலான கார் பந்தயப் பயணத்தை விவரிக்கும் ஆவணப்படம் குறித்த உத்தியோகபூர்வ அறிவிப்பு வெளியாகியுள்ளது.
நடிகர் அஜித்குமாரின் பிறந்தநாளான 2026 மே 1 ஆம் திகதி உலகம் முழுவதும் உள்ள திரையரங்குகளில் இப்படம் வெளியாகவுள்ளது.
மலேசியாவில் நடைபெற்ற புகழ்பெற்ற 12H சீரிஸ் கார் பந்தயத்தில் அஜித்குமார் பங்கேற்றது தொடர்பான காட்சிகள் மற்றும் அந்தத் தொடரில் அவர் எதிர்கொண்ட சவால்களை மையமாக வைத்து இந்த ஆவணப்படம் உருவாக்கப்பட்டுள்ளது.
சினிமாப் பணிகளுக்கு மத்தியில் கார் பந்தயத்தில் தீவிர ஆர்வம் காட்டி வரும் அஜித்குமாரின் நிஜ வாழ்க்கை போராட்டங்களையும், அவரது வேகத்தையும் திரையில் காண ரசிகர்கள் ஆவலாக உள்ளனர். அவரது பிறந்தநாளில் இந்த ஆவணப்படம் வெளியாவது ரசிகர்களுக்குப் பெரிய விருந்தாக அமையும் என எதிர்பார்க்கப்படுகிறது.
