ஹீரோவாக நடிக்க சூரி வாங்கும் சம்பளம்
நகைச்சுவையாக நடிகராக தனது பயணத்தை துவங்கி, ஹீரோவான பிரபலங்கள் பலரும் உண்டு. அந்த வரிசையில் தற்போது தமிழ் சினிமாவில் கலக்கி கொண்டு இருப்பவர் நடிகர் சூரி.
விடுதலை படத்தின் மூலம் கதையின் நாயகனாக மாறிய இவர், தற்போது கைவசம் மூன்று திரைப்படங்களில் கதாநாயகனாக நடித்து வருகிறார். விடுதலை இரண்டாம் பாகம், கொட்டுக்காளி, கருடன் ஆகிய படங்களில் கதாநாயகனாக நடிக்க ராம் இயக்கத்தில் உருவாகியுள்ள ஏழு கடல் ஏழு மலை படத்தில் முக்கிய ரோலில் நடித்துள்ளார்.
இந்த படங்களில் துரை செந்தில் குமார் இயக்கத்தில் சூரி நடித்து வரும் படம் தான் கருடன். இப்படத்தில் சசிகுமாருடன் இணைந்து நடிக்கிறார். சமீபத்தில் கூட இப்படத்தின் கிலிம்ப்ஸ் வீடியோ வெளிவந்து மக்களிடையே நல்ல வரவேற்பை பெற்று இருந்தது.
இந்நிலையில், இப்படத்தில் ஹீரோவாக நடிக்க நடிகர் சூரி வாங்கிய சம்பளம் குறித்து தகவல் வெளியாகியுள்ளது. அதன்படி, கருடன் படத்தில் நடிக்க ரூ. 8 கோடி சம்பளமாக வாங்கியுள்ளாராம் சூரி.
