சர்வதேச விண்வெளி மையத்தில் இருந்து விலகுகிறது ரஸ்யா?

அமெரிக்கா மற்றும்ரஸ்யா உள்ளிட்ட பல நாடுகள் இணைந்து விண்வெளியில் சர்வதேச விண்வெளி மையத்தை இயக்கி வருகின்றன.

அங்கு அமெரிக்கா மற்றும் ரஸ்யாவைச் சேர்ந்த விண்வெளி வீரர்கள் ஆராய்ச்சி பணிகளில் ஈடுபட்டுள்ளனர். இதற்கிடையே, உக்ரைன் விவகாரத்தில் ரஸ்யா மீது அமெரிக்கா உள்ளிட்ட நாடுகள் விதித்துள்ள பொருளாதார தடைகள் சர்வதேச விண்வெளி மையத்தில் ரஸ்யாவின் ஒத்துழைப்பை சீர்க்குலைக்கும் என ரஸ்ய விண்வெளி ஆய்வு நிறுவனமான ரோஸ்கோஸ்மாஸ் எச்சரிக்கை விடுத்திருந்தது.

இந்நிலையில், சர்வதேச விண்வெளி மையத்தில் இருந்து விலக உள்ளதாக ரஸ்யா திடீரென அறிவித்துள்ளது.

இதுதொடர்பாக, ரஸ்யாவின் விண்வெளி ஆய்வு நிறுவன தலைவர் யூரி போரிசோவ், 2024 க்கு பிறகு ரஸ்யா சர்வதேச விண்வெளி நிலையத்திலிருந்து விலகி, அதன் சொந்த சுற்றுப்பாதையை அமைப்பதில் கவனம் செலுத்த உள்ளது என்று தெரிவித்துள்ளார்.

உக்ரைனில் கிரெம்ளின் ராணுவ நடவடிக்கை தொடர்பாக ரஸ்யாவுக்கும் மேற்கு நாடுகளுக்கும் இடையே அதிகரித்து வரும் பதட்டங்களுக்கு மத்தியில் இந்த அறிவிப்பு வந்துள்ளது குறிப்பிடத்தக்கது.

#World #technology