போராட்டத்தில் ஈடுபட்டவர்களுக்கு நேர்ந்த கதி!!!

இசுருபாய கல்வி அமைச்சுக்கு முன்பாக இன்று (15) தேசிய கல்வியியற் கல்லூரி விரிவுரையாளர்களின் தொழிற்சங்கத்தினரால் ஆர்ப்பாட்டம் ஒன்று முன்னெடுக்கப்பட்டது.

பல்கலைக்கழக மானியங்கள் ஆணைக்குழுவின் கீழ் இயங்கும் தேசிய கல்வியியற் கல்லூரிகளை கல்வி அமைச்சினால் ஆசிரியர் பல்கலைக்கழகமாக தரமுயர்த்துவதில் தாமதம் காணப்பட்டது.

இதனைத் தொடர்ந்தே இன்று இப்போராட்டமானது முன்னெடுக்கப்பட்டது.

இந்தநிலையில் குறித்த போராட்டத்தில் கலந்துகொண்ட களுத்துறை மாவட்ட கல்லூரி விரிவுரையாளர் ஒருவருக்கு கொவிட் தொற்றிருப்பது துரித அன்டிஜென் சோதனையில் உறுதி செய்யப்பட்டுள்ளது.

அதுமட்டுமல்லாமல், தொற்றால் பாதிக்கப்பட்ட விரிவுரையாளரின் குடும்ப உறுப்பினர்களும் தொற்றுக்குள்ளாகி உள்ளனர் எனவும் செய்திகள் வெளியாகியுள்ளன.

இதேவேளை போராட்டக்காரர்கள் தம்மிடையே குளிர்பான போத்தல்களைப் பரிமாறிக் கொண்டதாகவும் கூறப்படுகிறது.