பூஸா உயர் பாதுகாப்புச் சிறைச்சாலையில் மேற்கொள்ளப்பட்ட அதிரடிச் சோதனையின்போது 2 ஸ்மார்ட் தொலைபேசிகள், 13 சிம் கார்டுகள் மற்றும் ஏராளமான மொபைல் போன் பாகங்கள் உட்படத் தடை செய்யப்பட்ட பொருட்கள் பறிமுதல் செய்யப்பட்டுள்ளதாகப் பொலிஸ் சிறப்பு அதிரடிப்படை (STF) தெரிவித்துள்ளது.
பூஸா முகாமின் அதிகாரிகள், காலிச் சிறப்பு அதிரடிப் படை அதிகாரிகள் மற்றும் சிறைச்சாலை அதிகாரிகள் ஆகியோர் இணைந்து இந்தச் சோதனையை மேற்கொண்டிருந்தனர்.
கைப்பற்றப்பட்ட பொருட்களில் இரண்டு முழுமையான ஸ்மார்ட் போன்கள் மற்றும் தொலைத்தொடர்புக்குப் பயன்படுத்தப்பட்ட 13 சிம் அட்டைகள் (SIM Cards) அடங்கும்.
சிறைச்சாலைக்குள் தடை செய்யப்பட்ட பொருட்களைக் கடத்துபவர்கள் மற்றும் பயன்படுத்துபவர்கள் குறித்து மேலதிக விசாரணைகள் மேற்கொள்ளப்பட்டு வருவதாகச் சிறைச்சாலை நிர்வாகம் தெரிவித்துள்ளது.
