கொழும்பு நிலப் பதிவேட்டின் அதிகாரப்பூர்வ கோப்பில் இருந்த ஒரு கடிதம் காணாமல் போனதாகக் கூறப்படும் சம்பவம் தொடர்பாக விசாரணை நடத்தி நீதிமன்றத்தில் அறிக்கை அளிக்குமாறு கொழும்பு பிரதான நீதிவான் அசங்க எஸ். போதரகம கறுவாத்தோட்டம் பொலிஸாருக்கு உத்தரவிட்டுள்ளார்.
கொழும்பு நிலப் பதிவேட்டின் மூத்த அதிகாரி ஒருவர் அளித்த முறைப்பாட்டின் அடிப்படையில் விசாரணை நடத்த கறுவாத்தோட்டம் பொலிஸார் நீதிமன்ற அனுமதி கோரியதைத் தொடர்ந்து, இந்த உத்தரவு பிறப்பிக்கப்பட்டுள்ளது.
காணாமல் போன கடிதம் இன்னும் அடையாளம் காணப்படவில்லை என்றும், அதன் தன்மையையும் இருப்பிடத்தையும் கண்டறிய விசாரணை நடத்தப்பட்டு வருவதாகவும் பொலிஸார் நீதிமன்றத்திற்குத் தெரிவித்துள்ளனர். அத்துடன், விசாரணையின் முன்னேற்றம் முறையாக அறிவிக்கப்படும் என்றும் அவர்கள் நீதிமன்றத்திற்கு உறுதியளித்துள்ளனர்.
முன்வைக்கப்பட்ட உண்மைகளைக் கருத்தில் கொண்ட நீதிவான் அசங்க எஸ். போதரகம, இந்தச் சம்பவம் குறித்து விரிவான விசாரணையை மேற்கொள்ளவும், சம்பந்தப்பட்டதாகக் கண்டறியப்பட்ட எந்தவொரு சந்தேக நபரையும் கைது செய்து நீதிமன்றத்தில் முன்னிலைப்படுத்தவும் கறுவாத்தோட்டம் பொலிஸாருக்கு உத்தரவிட்டுள்ளார்.
