மோட்டார் போக்குவரத்து ஆணையாளர் நாயகம் கமல் அமரசிங்க அவர்கள், சாரதி அனுமதிப்பத்திரக் கட்டணத் திருத்தம் தொடர்பில் இதுவரை எந்தவொரு இறுதித் தீர்மானமும் எடுக்கப்படவில்லை என்று தெரிவித்துள்ளார்.
அவர் மேலும் குறிப்பிட்டதாவது, இந்த ஆண்டு கட்டண உயர்வுக்கு நிர்ணயிக்கப்பட்ட அதிகபட்ச வரம்பு 15% ஆகும். எனினும், இது திருத்தத்திற்கான அதிகபட்ச வரம்பே தவிர, இறுதி செய்யப்பட்ட தொகை அல்ல.
பொதுவாக மூன்று ஆண்டுகளுக்கு ஒருமுறை 15 சதவீத கட்டணத் திருத்தம் செய்யப்பட வேண்டியிருந்தாலும், இந்த ஆண்டுக்கான கட்டணத் திருத்தம் குறித்து இதுவரை இறுதி முடிவு எதுவும் எட்டப்படவில்லை.
