ஏற்றுமதி பயிர்களின் விலைகளும் அதிகரிப்பு!!

நாட்டில் பிரதான ஏற்றுமதி பயிர்களின் உள்நாட்டு சந்தை விலைகள் அதிகரிக்கப்பட்டுள்ளன.

கறுவா, சாதிக்காய், மிளகு, கராம்பு மற்றும் கோப்பி ஆகியவை உள்ளிட்ட பிரதான ஏற்றுமதி பயிர்களின் விலைகளே அதிகரிக்கப்பட்டுள்ளன என ஏற்றுமதி விவசாயத் திணைக்களம் தெரிவித்துள்ளது.

இதன்படி, கிலோ 500 ரூபாவாக விற்பனை செய்யப்பட்டு வந்த மிளகு தற்போது 900 ரூபாவாக அதிகரிக்கப்பட்டுள்ளது.

அத்துடன், ஒரு கிலோகிராம் கறுவா 3 ஆயிரத்து 400 ரூபாவாகவும், கராம்பு ஆயிரத்து 400 ரூபாவாகவும் அதிகரிக்கப்பட்டுள்ளது.

ஒரு கிலோ கிராம் கோப்பி ஆயிரத்து 250 ரூபாவாகவும், ஒரு கிலோகிராம் பாக்கு ஆயிரம் ரூபாவாகவும் அதிகரித்துள்ளது.

#SriLankaNews