விஜயின் அரசியல் பயணத்தில் எப்போதும் துணை நிற்பேன்- பிரபல நடிகர் பகிரங்க அறிவிப்பு
நடிகர் விஜயின் அரசியல் பயணத்தில் அவருக்கு துணை நிற்பேன் என நடிகர் சமுத்திரக்கனி கூறியுள்ளார். இது ரசிகர்கள் மத்தியில் கவனம் ஈர்த்துள்ளது.
நடிகர் விஜய் கடந்த பிப்ரவரி 2-ம் திகதி தமிழக வெற்றி கழகம் என தனது கட்சி பெயரை அறிவித்தார்.
அவரது அரசியல் பயணத்திற்கு சினிமா பிரபலங்கள் மற்றும் அரசியல் தலைவர்களும் வாழ்த்துக்களை தெரிவித்து வருகின்றனர்.
வருகின்ற மக்களவைத் தேர்தலில் போட்டியிடப்போவதில்லை என்றும், 2026 சட்டமன்ற தேர்தல் மட்டுமே இலக்கு என்று கூறியிருக்கிறார்.
இந்நிலையில், விஜயின் அரசியல் பயணத்தில் அவருக்கு துணை நிற்பேன் என நடிகர் சமுத்திரக்கனி கூறியுள்ளார்.
சமுத்திரக்கனி கூறியதாவது..,
“விஜய் அரசியலுக்கு வந்துள்ளது மிகவும் மகிழ்ச்சியான விஷயம். அவர் இப்போது தன்னுடைய கேரியரில் உச்சத்தில் இருக்கிறார். அதை விட்டு விலகி அரசியலுக்கு வருவதை பெரிய விஷயமாக நான் பார்க்கிறேன்.
அவர் அரசியலுக்கு வந்து மக்களுக்கு எதாவது செய்யவேண்டும் என்று நினைக்கிறார். அவருக்கு நான் இந்த நேரத்தில் என்னுடைய வாழ்த்துகளை தெரிவித்துக் கொள்கிறேன்.
தேவைப்பட்டால் அரசியல் பயணத்தில் அவருக்குத் துணை நிற்பேன். அவர் கூப்பிட வேண்டும் என்கிற அவசியம் எல்லாம் இல்லை. நல்ல விஷயங்களுக்கு நான் எப்போதுமே கூட நிற்பேன்” என தெரிவித்தார்.
சமுத்திரக்கனி விஜய்க்கு துணை நிற்பேன் என்று பகிரங்கமாக அறிவித்திருப்பது விஜய் ரசிகர்கள் மத்தியில் வரவேற்பைப் பெற்றுள்ளது.
