நாட்டை ஒன்றிணைக்கும் தேசிய “போதைப்பொருள் ஒழிப்பு வாரம்” இன்று (01.03.2026) முதல் ஆரம்பமாகிறது. போதைப்பொருள் அச்சுறுத்தலை ஒழிப்பதற்கான “நாட்டை ஒன்றிணைக்கும்” தேசிய செயல்பாட்டுச் சபை (Ratama Ekata National Initiative) இந்த வாரத்தைப் பிரகடனப்படுத்தியுள்ளது. அரச நிர்வாகம், மாகாண சபைகள் மற்றும் உள்ளூராட்சி அமைச்சினால் 07/2026 இலக்க அரச நிர்வாகச் சுற்றறிக்கை இதற்காக வெளியிடப்பட்டுள்ளது.
போதைப்பொருள் விற்பனையைக் கட்டுப்படுத்தி ஒடுக்குதல் மற்றும் அடிமையானவர்களை மீட்டு புனர்வாழ்விற்கு உட்படுத்துதல் ஆகிய இரண்டு முக்கிய நோக்கங்களை இலக்காகக் கொண்டு இந்த வாரம் பிரகடனப்படுத்தப்பட்டுள்ளது. இந்த வாரத்தில் அரச நிறுவனங்கள், பாடசாலைகள் மற்றும் அடிமட்ட ரீதியில் பரந்தளவிலான விழிப்புணர்வு நடவடிக்கைகள் முன்னெடுக்கப்படவுள்ளன.
அரச அமைச்சுகள் உள்ளிட்ட அனைத்து நிறுவனங்களின் அதிகாரிகளின் பங்களிப்புடன் விழிப்புணர்வுத் திட்டங்கள் ஏற்பாடு செய்யப்பட்டுள்ளன. பாடசாலை ஆசிரியர்கள் மற்றும் மாணவர்களை இலக்கு வைத்து பல்வகைப்படுத்தப்பட்ட புதிய திட்டங்கள் செயல்படுத்தப்படவுள்ளன. அதேபோல், பொதுப் போக்குவரத்தில் ஈடுபடும் பேருந்துகள், முச்சக்கர வண்டிகள் மற்றும் பாடசாலை போக்குவரத்து வாகனங்களை மையமாகக் கொண்டு விழிப்புணர்வு பிரச்சார நடவடிக்கைகளும் முன்னெடுக்கப்படவுள்ளன.
