ஜனவரி 1ஆம் திகதி முதல் அமுலுக்கு வரும் வகையில் 142 புதிய பொருட்களுக்கான HS (இணக்க முறைமை) குறியீடுகளை சுங்கத் திணைக்களம் அறிமுகப்படுத்தியுள்ளதாக நிதி இராஜாங்க அமைச்சர் ரஞ்சித் சியம்பலாபிட்டிய தெரிவித்தார்.
புதிய குறியீட்டின் பட்டியல் விரைவில் வர்த்தமானி அறிவித்தல் மூலம் அறிவிக்கப்படும் என்றும் அமைச்சர் தனது டுவிட்டர் பதிவில் குறிப்பிட்டார்.
நாட்டிலிருந்து ஏற்றுமதி செய்யப்படும் மற்றும் இலங்கைக்கு இறக்குமதி செய்யப்படும் பொருட்களை அடையாளம் காணும் வகையில் HS குறியீடுகள் வழங்கப்படுகின்றன.
அந்த வகையில் அடையாளம் காண்பதற்கு சிரமமாகக் காணப்பட்ட 142 பொருட்களுக்கே குறித்த குறியீடு வழங்கப்படவுள்ளதாக அமைச்சர் தெரிவித்துள்ளார்.
இலங்கையில் 8 ஆயிரத்துக்கும் அதிக HS குறியீடுகள் காணப்படுவதுடன், அடையாளம் காணலின் ஊடாக , வரிவிதிப்பு மற்றும் வரிவிலக்கும் உள்ளிட்ட செயற்பாடுகள் சட்டரீதியாக மேற்கொள்ளப்படும் என்பது குறிப்பிடத்தக்கது.
#SriLankaNews