குறுகிய அரசியல் நிகழ்ச்சி நிரல்களாலேயே நாட்டில் நெருக்கடி நிலை! – வைத்திய கலாநிதி கதிரமலை உமாசுதன்

தேசிய பாதுகாப்பு மற்றும் இறையாண்மையை உறுதிசெய்தல் மற்றும் நாட்டில் உள்ள அனைவருக்கும் சட்டத்தின் ஆட்சி பொருந்தும் சூழலை உருவாக்குதல் என்பன தற்போதைய சூழலில் அவசியமானதென யாழ் மாவட்ட அரச வைத்திய அதிகாரிகள் சங்கத்தின் இணைப்பாளரும் வைத்திய கலாநிதியுமான கதிரமலை உமாசுதன் தெரிவித்தார்.

இன்று நண்பகல் 12 மணி தொடக்கம் 2 மணி வரை நாடு முழுவதிலுமுள்ள வைத்தியசாலைகளின் முன்பகுதியில் ஒன்றுகூடிய வைத்தியர்கள் கையில் கறுப்புப்பட்டி அணிந்தவாறு இந்த போராட்டத்தில் ஈடுபட்டனர்.

இந்நிலையில் போராட்டம் தொடர்பாக ஊடகங்களுக்கு கருத்து தெரிவிக்கையிலேயே யாழ் மாவட்ட அரச வைத்திய அதிகாரிகள் சங்கத்தின் இணைப்பாளர் இவ்விடயத்தை தெரிவித்தார்.

மேலும் கருத்து தெரிவிக்கையில்,

நாடு தற்போது முன்னெப்போதும் இல்லாத சமூக, பொருளாதார, சுகாதார மற்றும் அரசியல் நெருக்கடியை எதிர்கொண்டுள்ளது. தற்போதைய அரசாங்கத்தின் மோசமான நிதி ஒழுக்கத்தால் ஏற்பட்டுள்ள மந்தநிலை, அந்நிய செலாவணி நெருக்கடி, உயர் பணவீக்கம், சுகாதார நெருக்கடி மற்றும் எரிசக்தி நெருக்கடி போன்றவற்றால் மக்கள் கடுமையான அழுத்தத்தில் உள்ளனர்.

தற்போதைய அரசாங்கம் மற்றும் முழு அரசியல் அமைப்புக்கு எதிராக உண்மையிலேயே வரலாற்று ரீதியிலான , தன்னார்வத்துடன் மேற்கொள்ளும், அமைதியான போராட்டத்தின் இந்த தருணம் உண்மையிலேயே வரலாற்று சிறப்புமிக்கது.

தற்போதுள்ள பாழடைந்த, முரண்பாடான அரசியலமைப்பிற்குப் பதிலாக, மக்களுக்கும் நாட்டுக்கும் பொறுப்பு கூறக்கூடிய, ஊழல் மோசடிகளை இல்லாதொழிக்கும் பொறுப்புக்கூறும் ஆட்சி முறையையும் பாராளுமன்றத்தையும் ஏற்படுத்துவதே இந்தப் பாரிய மக்கள் போராட்டத்தின் பிரதான நோக்கமாகும்.

இன்று பெரும்பான்மையான மக்கள் பிரதிநிதிகள் தவறான நடத்தை மற்றும் மக்களின் அதிருப்திக்கு உள்ளாகியுள்ளனர் என்பது இரகசியமல்ல. வரலாற்றில் ஊழல் மற்றும் ஊழல் குற்றச்சாட்டுகள் சுமத்தப்பட்டு நீதிமன்றில் தண்டிக்கப்படும் ஊழல் நிறைந்த ஆட்சியினால் நீங்களும் எனது நாடும் சிறந்த நாளை உறுதி செய்ய முடியாது.

எதிர்காலத்தில், ஊழல் மற்றும் மோசடியில் ஈடுபட்டு நாட்டுக்கு கேடு விளைவிக்கும் ஒழுக்கக்கேடான செயல்களில் ஈடுபட்ட அரசியல்வாதிகளை எக்காரணம் கொண்டும் அரசியல் வேட்பாளராகவோ அல்லது எந்த அரசாங்கத்தின் அமைச்சரவையிலும் நியமிக்கக் கூடாது.

இந்த முக்கியமான தருணத்தில், அனைத்து அரசியல் கட்சிகளும் குழுக்களும் தங்கள் தனிப்பட்ட நிகழ்ச்சி நிரல்களை ஒதுக்கி வைத்துவிட்டு, நாடு எதிர்கொள்ளும் நெருக்கடியை சமாளிக்க தேசிய வேலைத்திட்டத்திற்கான குறுகிய, நடுத்தர மற்றும் நீண்டகால திட்டங்களை அடையாளம் காண ஒன்றிணைந்து செயல்பட வேண்டும்.

அந்த வேலைத்திட்டத்தில் குறிப்பிட்ட காலக்கெடுவுக்குள் நாட்டை ஸ்திரப்படுத்தும் பொறுப்பு
அரசியலமைப்பு பொறிமுறைக்குள் உட்பட்டு அதன் பின்னர் எதிர்கால தேர்தலை ஜனநாயக முறைப்படி நடத்த நடவடிக்கை எடுக்க வேண்டும்.

தோல்வியடைந்த அரசாங்கத்தையும் சீரழிந்த அரசியல் அமைப்பையும் முடிவுக்குக் கொண்டு வந்து நல்ல அரசியல் கலாசாரத்தையும் ஜனநாயகத்தையும் பேணிக்காக்க உண்மையான தேசப்பற்று வேலைத்திட்டத்தை உருவாக்குவதே மக்கள் போராட்டத்தின் நோக்கமாகும்.

அங்கு பின்வரும் விடயங்களுக்கு ஒரு குறிப்பிட்ட கால எல்லைக்குள் சட்டரீதியான தீர்வுகள் காணப்பட வேண்டும்.

தேசிய பாதுகாப்பு மற்றும் இறையாண்மையை உறுதிசெய்தல் மற்றும் நாட்டில் உள்ள அனைவருக்கும் சட்டத்தின் ஆட்சி பொருந்தும் சூழலை உருவாக்குதல், அனைத்து மக்களின் வாழ்வுரிமையை உறுதி செய்தல்,
மக்கள் பிரதிநிதிகள் நியமனத்திற்கு தேவையான குறைந்தபட்ச தகுதிகளுடன், குறைந்தபட்ச தரத்தை வெளியிடுதல், மக்கள் பிரதிநிதிகளின் சிறப்புச் சலுகைகளை இழந்து அவர்களை பொறுப்புக்கூறல் மற்றும் பொறுப்புக்கூறல் பொறிமுறைக்கு உட்படுத்துதல், மக்கள் பிரதிநிதிகள் மற்றும் அரசியல் கட்சிகளின் அரசியலில் ஈடுபடும்.

உறுப்பினர்களை தொடர்ச்சியான கணக்காய்வுக்கு உட்படுத்தல், அமைச்சரவை உட்பட அனைத்து மக்கள் பிரதிநிதிகளின் செயல்திறனை மதிப்பிடுவதற்கு முறையான வழிமுறையை அறிமுகப்படுத்துதல், தேவையான அளவுக்கு தங்களுக்கு வழங்கிய பொறுப்புக்களை வினைத்திறனுடன் ஆற்ற முடியாதவர்களை அல்லது ஊழல்மிக்க அரசியல்வாதிகளை அகற்றி, அதனால் ஏற்படும் சேதத்தை ஈடுசெய்ய ஒரு குறிப்பிட்ட கொள்கையை வகுக்க வேண்டும், அரசியல் தலையீட்டுடன் பொருளாதாரம் உட்பட நாட்டின் அனைத்துத் துறைகளுக்கும் நிலையான தேசியக் கொள்கைகளை உருவாக்குதல், அரசியல் தலையீடு இல்லாமல் பொது நிறுவனங்களை பராமரித்தல் மற்றும் அனைத்து அரசு அதிகாரிகளும் சுதந்திரமாக நியமிக்கப்படும் முறையை உறுதி செய்தல், உள்ளூர் தொழில்முனைவோருக்கு முன்னுரிமை அளித்தல், அமைதியான போராட்டம் மற்றும் கருத்து வெளிப்படுத்தும் உரிமை உட்பட அடிப்படை ஜனநாயக உரிமைகளை உறுதி செய்தல், இலவசக் கல்வி மற்றும் இலவச சுகாதாரம், பாதுகாப்பு போன்ற சேவைகள் மற்றும் பொது வளங்களைப் பாதுகாத்தல் என்பவை அவசியமாகும்.

மக்களின் கோரிக்கைகளில் இருந்து எப்படியோ விலகி அரசியல்வாதிகள் குறுகிய அரசியல் நிகழ்ச்சி நிரல்களை பின்பற்றினால், தற்போதைய நெருக்கடி மேலும் தீவிரமடைவதுடன், இலங்கை தவிர்க்க முடியாமல் தோல்வியடைந்த நாடாக மாறும்.

எனவே நாம் ஒன்றிணைந்து வெற்றியடைய வேண்டும் என்பதுதான் மக்கள் போராட்டத்தின் உண்மையான நோக்கம் – என்றார்.

#SriLankaNews