வாழைச்சேனையில் தேனீக்கள் கொட்டி வயோதிபர் சாவு!

தேனீக்கள் கொட்டியதில் இன்று வயோதிபர் ஒருவர் மரணமடைந்துள்ளார் என்று பொலிஸார் தெரிவித்தனர்.

வாழைச்சேனை பொலிஸ் பிரிவுக்குட்பட்ட வாழைச்சேனை, 5 ஆம் வட்டாரம் – உமர் வைத்தியர் வீதியைச் சேர்ந்த 74 வயதுடைய மீராலெப்பை அபுசாலி என்பவரே தேனீக்கள் கொட்டி இவ்வாறு மரணமடைந்துள்ளார்.

வர்த்தக நிலையம் ஒன்றுக்குச் சென்றிருந்த அந்நபர் மீது கட்டடம் ஒன்றில் கூடமைத்திருந்த தேனீக்கள் கலைந்து கொட்டியதிலேயே அவர் மரணமடைந்துள்ளார்.

மரணமடைந்த நபரின் உடல் பிரேத பரிசோதனைக்காக வாழைச்சேனை ஆதார வைத்தியசாலையில் வைக்கப்பட்டுள்ளது.

சம்பவம் தொடர்பான மேலதிக விசாரணைகளை வாழைச்சேனை பொலிஸார் மேற்கொண்டு வருகின்றனர்.