வீதி விபத்துகளில் பறிபோகும் சிறுவர்களின் உயிர்!
இந்த வருடத்தில் மாத்திரம் இலங்கையில் வீதி விபத்துக்களினால் 115 சிறுவர்கள் உயிரிழந்துள்ளதாக வீதி விபத்துக்களை தடுப்பதற்கான நிபுணர் குழுவின் தலைவர் பேராசிரியர் சமத் தர்மரத்ன தெரிவித்துள்ளார்.
”பாதுகாப்பான சாலைகள்-பாதுகாப்பான குழந்தைகள்” என்ற சர்வதேச சாலை பாதுகாப்பு மாநாட்டில் உரையாற்றும் போதே இதனை தெரிவித்துள்ளார்.
மேலும் கூறுகையில்,நாட்டின் வளர்ச்சிக்கு முக்கியமான பணியாளர்களை உருவாக்கும் 15 முதல் 44 வயதுக்குட்பட்டவர்களே பெரும்பாலும் இந்த விபத்துக்களால் பாதிக்கப்படுகின்றனர் என்று குறிப்பிட்டுள்ளார்.
இலங்கையில் ஒவ்வொரு வருடமும் சுமார் 3,000 பேர் வீதி விபத்துக்களில் உயிரிழக்கின்றனர், மேலும் இது தொடர்பான போக்கு அதிகரித்து வருகிறது.
இந்தநிலையில், எதிர்காலத்தில் வீதி விபத்துக்களால், உயிரிழப்புகள் மற்றும் ஊனமுற்றவர்களின் எண்ணிக்கை ஆயிரக்கணக்கில் அதிகரிக்கும், இதனால் நாட்டிற்கு கணிசமான பொருளாதார இழப்புக்கள் ஏற்படும் என எச்சரித்துள்ளார்.
