’தெறி’பேபியுடன் மீனா! – வைரலாகும் போட்டோஷூட்!

தமிழ் திரையுலகில் முன்னணி நடிகையாக வலம் வந்த நடிகை மீனா தனக்கென ஒரு பெரிய ரசிகர் பட்டாளத்தையே கொண்டவர்.

குழந்தை நட்சத்திரமாக தமிழில் அறிமுகமான இவர், தமிழ் மற்றும் தெலுங்கு மொழிகளில் பத்துக்கு மேற்பட்ட படங்களில் குழந்தை நட்சத்திரமாக பணியாற்றியுள்ளார்.

குழந்தை நட்சத்திரமாக மட்டுமல்லாது,நாயகியாகவும் தமிழ், தெலுங்கு மொழிகளில் கலக்கியவர் கண்ணழகி மீனா.

நீண்ட இடைவெளிக்கு பிறகு தற்போது சூப்பர் ஸ்டாரின் அண்ணாத்த படத்தில் ரஜினியுடன் இணைந்து நடிக்கிறார்.

மீனாமட்டுமல்ல அவரது மக்கள் நைனிகாவும் தமிழ் சினிமாவில் குழந்தை நட்சத்திரமாக வலம் வருகிறார்.

தளபதி விஜய்யின் தெறி படத்தில் விஜய்யின் மகளாக நடித்து அனைவர் மனதையும் கொள்ளை கொண்டவர். அதன் பிறகு பாஸ்கர் ஒரு ராஸ்கல் என்ற படத்தில் அமலாபால் மகளாக ரசிகர்களைக் கவர்ந்தார்.

இந்நிலையில் மீனாவும் அவரது மகள் நைனிகாவும் இணைந்து போட்டோஷூட் நடத்தியுள்ளனர்.
இந்த புகைப்படங்கள் தற்போது ரசிகர்களால் வைரலாக்கப்பட்டு வருகின்றன.