‘பரியேறும் பெருமாள்’, ‘மாமன்னன்’, ‘கர்ணன்’ போன்ற படங்களை இயக்கி மக்களின் கவனத்தைப் பெற்றவர் இயக்குநர் மாரி செல்வராஜ்.
தற்போது இவர் நடிகர் துருவ் விக்ரமை வைத்து இயக்கியுள்ள திரைப்படம் ‘பைசன்’ (Baison). கடந்த வெள்ளிக்கிழமை வெளியான இந்தப் படம், ஒரு தமிழகக் கபடி வீரரான மணத்தி கணேசன் சந்தித்த வாழ்வியல் போராட்டங்களைப் பேசுகிறது. சாதி ஏற்றத்தாழ்வுகளை ஒதுக்கிவிட்டு எல்லோரும் சமமாக வாழ்வோம் என்கிற முக்கியமான சமூகக் கருத்தை இப்படம் முன்வைக்கிறது.
தமிழில் மட்டுமே வெளியாகியுள்ள ‘பைசன்’ திரைப்படம், 6 நாட்கள் முடிவில் ரூ. 40 கோடி வரை வசூல் வேட்டை செய்துள்ளது.
வருகிற 24 ஆம் தேதி இப்படம் தெலுங்கில் வெளியாகவுள்ளது. அங்கு இப்படம் எந்தளவுக்கு வெற்றியைப் பெறும் என்பதைப் பொறுத்திருந்து பார்க்க வேண்டும்.