காதலனைக் கரம்பிடித்தார் கத்ரினா கைஃப்

பிரபல ஹிந்தி பட நடிகை கத்ரினா கைஃப்புக்கும், விக்கி கவுசலுக்கும் ராஜஸ்தானில் திருமணம் நடைபெற்றுள்ளது.

இவர்கள் இருவரும் நீண்ட நாட்களாக காதலித்து வந்த நிலையில், இவர்களது காதல் திருமணத்தில் முடிந்துள்ளது. இவர்கள் திருமணம் ராஜஸ்தானில் உள்ள பழமையான கோட்டையில் நேற்று நடந்தது. திருமணத்துக்கு 120 பேர் மட்டுமே அழைக்கப்பட்டு இருந்தனர்.

ஹிந்தி நடிகர்-நடிகைகள் மற்றும் நெருங்கிய உறவினர்கள் மட்டுமே கலந்துகொண்டதாக தெரிவிக்கப்படுகிறது.

இந்த திருமணம் பல கோடி ரூபாய் செலவில் ஆடம்பரமாக நடந்துள்ளது. சொகுசு விடுதியில் மணமக்கள் தங்கிய அறையின் ஒருநாள் வாடகை ரூ.7 லட்சம் எனக் கூறப்படுகிறது.

திருமணத்துக்கு கையக்கப்பேசிகள் மற்றும் கெமராக்கள் கொண்டுவருவதற்குத் தடை விதிக்கப்பட்டிருந்தது. திருமண வீடியோவை ஓ.டி.டி. தளத்துக்கு ரூ.80 கோடிக்கு விற்று இருப்பதாகவும் கூறப்படுகிறது.

#CinemaNews