பிக்பாஸ் புகழ் லாஸ்லியா மற்றும் தர்சன் நடிப்பில் உருவாகியுள்ளது ‘கூகுள் குட்டப்பா’. அண்மையில் இப் படத்தின் பஸ்ட்லுக் போஸ்டர் அண்மையில் வெளியாகி ரசிகர்களிடையே பெரும் வரவேற்பைப் பெற்றிருந்தது.
இந்த நிலையில், படத்தின் டீசர் சற்று முன் வெளியாகி பெரும் வரவேற்பைப் பெற்றுள்ளது.
டீசரில் ‘குட்டப்பா’ கதாபாத்திரத்தில் வரும் ரோபோ ரசிகர்களிடையே பெரும் எதிர்பார்ப்பை ஏற்படுத்தியுள்ளது. இந்த ரோபோ சமையல் செய்வது, காபி பரிமாறுவது, அம்மியில் மிளகாய் அரைப்பது உள்பட பல வேலைகளை செய்கிறது. அது மட்டுமின்றி வயலில் நாத்து நடுவது, ரைக்டர் ஓட்டுவது உள்பட விவசாய வேலைகளையும் செய்கிறது. இந்த ரோபோவை பார்த்து அது ஆம்பிளையா? பொம்பளையா? என அப்பாவியாக ஒரு பெண் கேள்வி கேட்கும் காட்சியும் டீசரில் உள்ளது.
மலையாளத்தில் மிகப்பெரும் வெற்றி பெற்ற ’ஆண்ட்ராய்டு குஞ்சப்பன்’ என்ற படத்தின் தமிழ் ரீமேக் படமான ‘கூகுள் குட்டப்பா’ கேஎஸ் ரவிக்குமார் தயாரிப்பில் உருவாகியுள்ளது. இந்த படத்தில் அவரும் ஒரு முக்கிய வேடத்தில் நடித்துள்ளார். மேலும் தர்ஷன் மற்றும் லாஸ்லியா, யோகி பாபு உள்ளிட்ட பலர் நடித்துள்ளனர். கே.எஸ் ரவிக்குமாரிடம் உதவி இயக்குனராக பணிபுரிந்த சபரி மற்றும் சரவணன் ஆகியோர் இணைந்து இப் படத்தை இயக்கியுள்ளனர்.
காமெடி கதையம்சத்துடன் உருவாகியுள்ள இந்த திரைப்படம், மலையாளத்தைப்போலவே தமிழிலும் வெற்றி பெறும் என ரசிகர்கள் எதிர்பார்ப்பில் உள்ளனர்.
Leave a comment