தீபாவளி நாளில் ரசிகர்களை சோகத்தில் ஆழ்த்திய விஜயகாந்தின் ஒற்றை புகைப்படம்!

தீபாவளி நாளில் ரசிகர்களை சோகத்தில் ஆழ்த்திய விஜயகாந்தின் ஒற்றை புகைப்படம்!

தீபாவளி பண்டிகையை முன்னிட்டு தேமுதிக தலைவர் விஜயகாந்த் தனது குடும்பத்துடன் இருக்கும் புகைப்படம் வெளியாகி ரசிகர்கள் சோகத்தில் ஆழ்த்தியுள்ளது.

சினிமா மட்டுமின்றி அரசியலிலும் ஜொலித்தவர் கேப்டன் விஜயகாந்த், கேப்டன் என்றால் அவரது கம்பீரமான பேச்சே பலருக்கும் நினைவில் இருக்கும்.

முன்னணி நடிகராக வலம்வந்த விஜயகாந்த், சமூக அக்கறையுள்ள படங்களில் கவனம் செலுத்தி தனக்கென ஒரு இடத்தை பிடித்துக் கொண்டார்.

நல்ல மனிதர் என பலராலும் போற்றப்படும் விஜயகாந்த் அரசியலிலும் தனி முத்திரை பதித்தார்.

ஏழை எளிய மக்களை முதன்மையாக கொண்டே இவரது செயல்பாடுகளும் இருந்தன.

இந்நிலையில் கடந்த சில ஆண்டுகளாக உடல்நலம் குன்றியதால் அரசியல் வாழ்விலிருந்து ஓய்வெடுத்து வருகிறார்.

ஆனாலும் அவ்வப்போது விஜயகாந்தின் புகைப்படங்கள் மற்றும் வீடியோக்கள் வெளியாவது வழக்கம்.

அந்தவகையில் தீபாவளி நாளான இன்று விஜயகாந்த், தன்னுடைய குடும்பத்துடன் வெளியிட்ட புகைப்படம் ரசிகர்களை சோகத்தில் ஆழ்த்தியுள்ளது.

அதில், உடல் மெலிந்த நிலையில் பரிதாபமான நிலையில் அமர்ந்திருக்கிறார் விஜயகாந்த்.

இவரது பார்த்த பலரும் அவருக்கு என்ன தான் ஆனது? எங்கள் கேப்டனுக்கா இப்படி? என பல கமெண்டுகளை பதிவிட்டு வருகின்றனர்.