தளபதி விஜய் நடித்துள்ள ஜனநாயகன் திரைப்படத்தில் மிரட்டலான வில்லனாக நடித்துள்ள பாலிவுட் நட்சத்திரம் பாபி தியோல், இன்று (ஜனவரி 27) தனது 57-வது பிறந்தநாளைக் கொண்டாடுகிறார். இதனை முன்னிட்டு ரசிகர்கள் மற்றும் திரைத்துறையினர் அவருக்கு வாழ்த்துகளைக் குவித்து வருகின்றனர்.
2023-ல் வெளியான அனிமல் திரைப்படத்தில் பேசாத வில்லனாக நடித்து இந்தியா முழுவதும் பெரும் அதிர்வலைகளை ஏற்படுத்தினார். தமிழில் சூர்யாவின் கங்குவா படத்தின் மூலம் அறிமுகமானார். அதனைத் தொடர்ந்து தற்போது விஜய்யின் ‘ஜனநாயகன்’ படத்தில் முக்கியமான வில்லன் கதாபாத்திரத்தில் நடித்துள்ளார்.
பாபி தியோலின் தற்போதைய சொத்து நிலவரம் குறித்த தகவல்கள் வெளியாகியுள்ளன. இப்படத்தில் வில்லனாக நடிப்பதற்காகப் பாபி தியோல் சுமார் 3 கோடி ரூபாய் சம்பளமாகப் பெற்றுள்ளதாகத் தெரிவிக்கப்படுகிறது. இவருடைய மொத்த சொத்து மதிப்பு சுமார் 70 கோடி ரூபாய் வரை இருக்கும் எனக் கணக்கிடப்பட்டுள்ளது.
சட்டச் சிக்கல்களால் ஜனநாயகன் படத்தின் வெளியீடு தள்ளிப்போயுள்ள போதிலும், விஜய் மற்றும் பாபி தியோல் இடையிலான மோதல் காட்சிகளைத் திரையில் காண ரசிகர்கள் ஆவலுடன் காத்திருக்கின்றனர்.
