கைகோர்க்கும் அஸ்வின் – ஷிவாங்கி ஜோடி – எதிர்பார்ப்பில் ரசிகர்கள்

கைகோர்க்கும் அஸ்வின் – ஷிவாங்கி ஜோடி – எதிர்பார்ப்பில் ரசிகர்கள்

குக் வித் கோமாளி நிகழ்ச்சி மூலம் பிரபலமானவர்கள் அஸ்வின் மற்றும் ஷிவாங்கி ஜோடி. இந்த ஜோடிக்கு ரசிகர் பட்டாளம் ஏராளம்.

விளம்பரங்களிலும் ஆல்பம் பாடல்களிலும் நடித்து வந்த அஸ்வின் தற்போது வெள்ளித்திரையில் பிஸியாக உள்ளார். சூப்பர் சிங்கர், குக் வித் கோமாளி என விஜய் டிவி நிகழ்ச்சிகளில் தலைகாட்டி வந்த ஷிவாங்கியும் படங்கள், பாடல்கள் என பிஸியாகவுள்ளார்.

இந்த நிலையில் அஸ்வின் – ஷிவாங்கி எப்போது திரையில் இணைவார்கள்? என பெரும் எதிர்பார்ப்புடன் இருந்த ரசிகர்களுக்கு விருந்தாக வந்துள்ளது இந்த புதிய தகவல்.

ஆல்பம் பாடல்களில் தனித்தனியாக ஹிட் கொடுத்து வந்த இந்த ஜோடி இப்போது ஒரு ஆல்பம் பாடலில் இணையவுள்ளது. ஓணம் பண்டிகையை முன்னிட்டு ஆல்பம் பாடல் ஒன்று வெளிவரவுள்ளது.

‘சிவப்பு மஞ்சள் பச்சை’ படத்தின் இசையமைப்பாளர் சித்துகுமார் இசையில் ஷிவாங்கி மற்றும் சூப்பர் சிங்கர் வினீத் ஸ்ரீனிவாசன் ஆகியோர் இணைந்து இப் பாடலை பாடியுள்ளனர்.எதிர்வரும் 20ம் திகதி வெளிவரவுள்ள இப் பாடலில் அஸ்வின் நடித்துள்ளார்.

அஸ்வின் – ஷிவாங்கி இணையவுள்ள இந்த பாடலுக்கு ரசிகர்கள் மத்தியில் பெரும் எதிர்பார்ப்பு நிலவுகிறது.
ரசிகர்கள் மத்தியில் பிரபலமான இந்த ஜோடி கைகோர்த்துள்ள இந்த பாடலும் மிகப்பெரும் ஹிட் ஆகும் என்பதில் சந்தேகமே இல்லை.