இன்றைய ராசி பலன் 20.10.2023 – Today Rasi Palan

இன்றைய ராசி பலன் 20.10.2023 – Today Rasi Palan

இன்றைய ராசிபலன் அக்டோபர் 20, 2023, சோபகிருது வருடம் ஐப்பசி 3 வெள்ளிக் கிழமை, சந்திரன் தனுசு ராசியில் சஞ்சரிக்கிறார். ரிஷப ராசியில் உள்ள ரோகிணி, மிருகசீரிஷம் நட்சத்திரத்தை சேர்ந்தவர்களுக்கு சந்திராஷ்டமம் உள்ளது. மேஷம் முதல் மீனம் வரை 12 ராசிகளுக்கான இன்றைய ராசி பலனை ஜோதிட நிபுணர் பாரதி ஸ்ரீதர் அவர்கள் கணித்துக் கூறியுள்ளார்.

மேஷம் ராசி பலன்
மேஷம் ராசி அன்பர்களுக்கு இன்று மன மகிழ்ச்சியை தரக்கூடிய நாளாக இருக்கும். பாக்கிய ஸ்தானத்தில் இருக்கக்கூடிய சந்திர பகவான் இன்று அனைத்து வகையான நன்மைகளையும் கொடுப்பார். இன்று குல தெய்வ வழிபாடு செய்யவும். இன்று சப்த கன்னி வழிபாடு செய்வதால் நீங்கள் நினைத்த காரியம் நிறைவேறும்.

ரிஷபம் ராசி பலன்
ரிஷபம் ராசி அன்பர்களுக்கு இன்று மன தெளிவு ஏற்படக்கூடிய நாளாக இருக்கும். ரோகிணி, மிருகசீரிஷம் நட்சத்திரத்தை சேர்ந்தவர்களுக்கு இன்று நாள் முழுவதும் சந்திராஷ்டமம் தினமாக இருப்பதால் இன்று மன கிலேசம் இருக்கும். உங்கள் செயல்களில் கூடுதல் கவனம் தேவை. இருப்பினும் இன்று வெற்றியை தரக்கூடிய நாளாக இருக்கும்.
இன்று விநாயகர் வழிபடு செய்வது நல்லது.

மிதுனம் ராசி பலன்

மிதுன ராசி அன்பர்களுக்கு இன்று நாள் முழுவதும் சந்திர பகவானின் சஞ்சாரம் 7ம் இடமான சப்தம ஸ்தானத்தில் இருப்பதால் இன்றைய நாள் திருப்திகரமானதாக இருக்கும். இன்று குடும்ப ஒற்றுமை அதிகரிக்கும். நீண்ட தூர பிரயாணங்கள் திருப்தியையும், அனுகூலத்தையும் தரும். நீங்கள் எடுக்கக்கூடிய காரியங்கள், முடிவுகள் வெற்றி பெறும்.’இன்று குல தெய்வ வழிபாடு செய்வது நல்லது. விநாயகருக்கு சிதறு தேங்காய் உடைப்பது நன்மை தரும்.

கடகம் ராசி பலன்

கடக ராசி அன்பர்களுக்கு இன்று நாள் முழுவதும் மன ஆறுதலும், வெற்றியும் தரக்கூடிய நாளாக இருக்கும். நீண்ட தூர பயணங்கள் நன்மையைத் தரும். தன லாபங்கள் உண்டு. பங்கு சந்தை முதலீடுகள் .லாபத்தை தரும். இன்று நீங்கள் உங்கள் குடும்ப உறுப்பினர்களுடன் மனம் விட்டுப் பேசுவீர்கள், இது உங்கள் மனதில் உள்ள சுமையை குறைக்கும். வியாபாரத்தில் சில பிரச்சனைகளிலிருந்து நிம்மதி கிடைக்கும்.
இன்று சிவன், பார்வதியை வணங்கலாம்.

சிம்மம் ராசி பலன்

சிம்ம ராசி அன்பர்களுக்கு இன்று நாள் முழுவதும் உங்களுக்கு மனதில் இருக்கும் பய உணர்வுகள் தீரும். வெள்ளிக்கிழமையான இன்று ராகு காலத்தில் துர்க்கை அம்மனுக்கு தீபம் ஏற்றி வழிபடவும். எலுமிச்சை பழ மாலை சாற்றி வழிபடுவதால் பய உணர்வுகள் தீரும். உடல் ஆரோக்கியம் மேம்படும். கடன் தொல்லைகள் தீரக்கூடிய நாள்.

கன்னி ராசி பலன்
கன்னி ராசி அன்பர்களுக்கு இன்று நல்ல ஒரு உற்சாகத்தை தரக்கூடிய நாளாக அமைகிறது. மன நிறைவு தரக்கூடிய நாளாக இருக்கும். கொடுக்கல், வாங்கலில் இருந்த பிரச்னைகள் தீரும். இன்று தன லாபங்கள் உண்டு. வியாபாரத்தில் புதிய முயற்சிகளில் வெற்றி உண்டு. பேச்சால் மரியாதை கிடைக்கும். புதிய தொழில் விஷயத்தில் சகோதரரின் ஆலோசனையைப் பெற்று முன்னேறுவது நல்லது.

துலாம் ராசி பலன்

துலாம் ராசி அன்பர்களுக்கு இன்று நாள் முழுவதும் உடல் ஆரோக்கியத்தில் முன்னேற்றம் உண்டு. கனவுகள் நிறைவேறும். சந்திரனின் சஞ்சாரத்தால் பெற்றோரின் ஆரோக்கியத்தில் கவனம் தேவை. மனக்குறைகள் தீரும். இன்று உங்கள் வியாபாரத்தில் வரும் பிரச்சனைகளைத் தீர்ப்பதில் நாள் முழுவதையும் செலவிடுவீர்கள். உங்கள் குடும்ப உறுப்பினர்களுக்காக நேரத்தை செலவிட முடியாமல் போகலாம். பெரிய அளவில் வெற்றி பெறுவீர்கள் என்பதால் சற்று நிதானமாக உணர வைக்கும்.

விருச்சிகம் ராசி பலன்

விருச்சிக ராசி அன்பர்களுக்கு இன்று இன்று நாள் முழுவதும் மன குழப்பம் தீரும். பெற்றோரிடம் பாசமும், பிரிந்த குடும்பம் ஒன்று சேரவும் வாய்ப்புள்ளது. குழந்தைகளின் ஆரோக்கியம் சிறக்கும். தன லாபங்கள் கிடைக்கும். எதிர்காலத்தில் நீங்கள் நிதி நெருக்கடியைச் சந்திக்க நேரிடும். இன்று பழைய நண்பரை சந்தித்தால் உங்கள் மனக்குறைகள் அனைத்தும் நீங்கும்.
சஷ்டி திதியான இன்றூ முருகனை வழிபாடு செய்யலாம்.

தனுசு ராசி பலன்

தனுசு ராசி அன்பர்களுக்கு இன்று சந்திரன் உங்கள் ராசியிலேயே இருப்பதால் மன கிலேசம், குழப்பங்களும் ஏற்படும். மூலம், பூராடம் நட்சத்திரத்தை சேர்ந்தவர்களுக்கு குழப்பமான நாளாக இருக்கும். இருந்த போதிலும் இன்று உங்கள் வேலைகளில் வெற்றி கிடைக்கும். காலை வேளையில் நல்ல செய்திகள் கிடைக்க வாய்ப்புள்ளது.

மகரம் ராசி பலன்

மகர ராசி அன்பர்களுக்கு இன்று சந்திரன் 12ம் இடத்தில் இருப்பதால் உங்களுக்கு வீண் அலைச்சலும், செலவுகளும் ஏற்படும். குடும்பத்திற்காக அலைச்சல் ஏற்பட்டாலும் அது உங்களுக்கு சந்தோஷத்தையே தரக்கூடியதாக இருக்கும். இன்று புதிய மனிதர்களை சந்திப்பதும், அதன் மூலம் சாதக பலன்களை கிடைக்கும். இன்று விரய செலவுகள் தவிர்க்க முடியாததாக இருக்கும்.

கும்பம் ராசி பலன்
கும்ப ராசி அன்பர்களுக்கு இன்று நாள் முழுவதும் மனதில் தெளிவும், சந்தோஷமும் கிடைக்கக்கூடிய நாளாக இருக்கும். எடுத்த காரியத்தில் வெற்றி உண்டு. இன்று பல நாட்களுக்கு பிறகு கிடைக்கக்கூடிய நண்பர்கள் மூலம் வேலையில் ஆலோசனை தருவார்கள். குடும்பத்தில் அமைதி நிலவும். இன்று வெள்ளிக்கிழமை மாலை வேளையில் பைரவருக்கு தீபம் ஏற்றவும்.

மீனம் ராசி பலன்

மீன ராசி அன்பர்களுக்கு இன்று ஏழரை சனியில் காலத்தில் ராகுவின் சஞ்சாரம் செய்வது சற்று மன குழப்பதை தரும். இருப்பினும் இன்று மேன்மை தரக்கூடிய நாளாக இருக்கும். உங்கள் வியாபாரத்தில் திடீர் பண ஆதாயம் ஏற்பட வாய்ப்புள்ளதாகவும், அதனால் நிலுவையில் உள்ள பிரச்சனைகளை ஓரளவு தீர்த்து வைப்பதில் வெற்றி கிடைக்கும். இன்று உணவு பழக்கத்தில் கட்டுப்பாடு தேவை. வீரபத்திரருக்கு வெற்றிலை மாலை சாற்றி வழிபடவும். பெண்களுக்கு தாம்பூலம் கொடுப்பது நல்லது.