ஆரோக்கியமான வல்லாரைக் கீரை துவையல்! எப்படி செய்யலாம்?

வல்லாரைக் கீரை உடலுக்கு மிகவும் நல்லது. இதனை அடிக்கடி சமைத்துக் கொடுத்தால், நினைவாற்றல் சிறப்பாக இருக்கும்.

வல்லாரைக் கீரையைக் கொண்டு துவையல் போன்றவை செய்யலாம். இதில் வல்லாரைக் கீரை துவையல் இட்லி, தோசை, சாதம் போன்றவற்றுடன் சேர்த்து சாப்பிட அற்புதமாக இருக்கும்.

அந்தவகையில் தற்போது வல்லாரைக்கீரை துவையல் எப்படி செய்யலாம் என்பதை பார்ப்போம்.

தேவையான பொருட்கள்:

• எண்ணெய் – 1 டீஸ்பூன்
• கடலைப் பருப்பு – 1 டேபிள் ஸ்பூன்
• மிளகு – 1 டீஸ்பூன்
• சீரகம் – 1 டீஸ்பூன்
• சின்ன வெங்காயம் – 10 (தோலுரித்தது)
• வெங்காய வடைவெங்காய வடை
• பூண்டு – 5 பற்கள்
• வரமிளகாய் – 2
• வல்லாரைக் கீரை – 2 கப்
• தேங்காய் – 2 டேபிள் ஸ்பூன்
• வெல்லம் – 1 டீஸ்பூன்
• புளிச்சாறு – 1 டேபிள் ஸ்பூன்
• உப்பு – சுவைக்கேற்ப

செய்முறை

முதலில் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், கடலைப் பருப்பு, மிளகு, வரமிளகாய் மற்றும் சீரகம் சேர்த்து தாளிக்க வேண்டும்.

பின் அதில் வெங்காயம், பூண்டு சேர்த்து சில நிமிடங்கள் வதக்கி இறக்கி, ஒரு தட்டில் போட்டு குளிர வைக்க வேண்டும்.

பின்பு அதே வாணலியை அடுப்பில் வைத்து, அதில் வல்லாரைக் கீரையை போட்டு 2 நிமிடம் வதக்கவும். பின் அதில் தேங்காயை சேர்த்து ஒரு நிமிடம் வதக்கி இறக்க வேண்டும்.

*பிறகு மிக்சர் ஜாரில் வதக்கிய பொருட்கள் அனைத்தையும் சேர்த்து, சிறிது நீர் ஊற்றி, வெல்லம், புளிச்சாறு மற்றும் சுவைக்கேற்ப உப்பு சேர்த்து நன்கு அரைத்துக் கொள்ள வேண்டும். இப்போது சுவையான வல்லாரைக் கீரை துவையல் தயார்.