வெளியானது பொன்னியின் செல்வன் படத்தின் ஐஸ்வர்யா ராய் நடிக்கும் கதாபாத்திரத்தின் போஸ்டர்!

மணிரத்னம் இயக்கத்தில் உருவாகி வரும் படம் ‘பொன்னியின் செல்வன்’. ஜெயம் ரவி, கார்த்தி, விக்ரம், பிரகாஷ்ராஜ், பிரபு, ரகுமான், த்ரிஷா, ஐஸ்வர்யா ராய் உள்ளிட்ட பலர் நடித்து வருகிறார்கள்.

முதல் பாகம் செப்டம்பர் 30-ம் தேதி வெளியாகவுள்ள நிலையில் அண்மையில் ‘வருகிறான் சோழன்’ என்ற தலைப்புடன் ‘பொன்னியின் செல்வன்’ படத்தின் போஸ்டர் வெளியாகி ரசிகர்களை ஈர்த்தது.

இதையடுத்து, இந்தப் படத்தில், சோழப் பேரரசின் பட்டத்து இளவரசன் அதித்த கரிகாலன் வேடத்தில் நடிக்கும் விக்ரமின் தோற்றத்தைப் படக்குழு ட்விட்டரில் வெளியிட்டிருந்தது. வந்தியத்தேவனாக நடிக்கும் கார்த்தியின் தோற்றமும் வெளியாகி இணையத்தில் வைரலானது.

தற்போது ஐஸ்வர்யா ராய் நடிக்கும் கதாபாத்திரத்தின் தோற்றம் வெளியாகியுள்ளது.

பழுவூர் ராணி நந்தினியின் தோற்றத்தில் இப்புகைப்படம் வெளியானது.

இந்தப் புகைப்படத்துக்கு கேப்ஷனாக ‘பழிவாங்கும் முகம் அழகானது! பழுவூர் ராணி நந்தினியை சந்திக்கவும்!” என்று பதிவிடப்பட்டுள்ளது.

இதனை தற்போது அவரது ரசிகர்கள் வைராக்கி வருகின்றனர் என்பது குறிப்பிடத்தக்கதாகும்.

#aishwaryarai #ponniyinselvan 

#CinemaNews