கொழும்பில் பொது மலசலகூடங்களின் கட்டணங்களில் மாற்றம்
கொழும்பு மாநகர சபையின் கட்டுப்பாட்டில் உள்ள சில பொது மலசலகூடங்களின் கட்டணம் 10 ரூபாவாக குறைக்கப்பட்டுள்ளது.
புறக்கோட்டை பிரதான பேருந்து நிலையத்திற்கு அருகில் உள்ள பொது மலசலகூடத்தின் கட்டணத்தை 10 ரூபாவாக கொழும்பு மாநகர சபை குறைத்துள்ளது.
மூன்று வாரங்களுக்கு முன், அந்த பொதுக் கழிப்பறையில் வசூலிக்கப்பட்ட கட்டணம் 20 ரூபாயாகும்.
புறக்கோட்டை, பெஸ்ட்டியன் மாவத்தை மாகாணங்களுக்கு இடையிலான பேருந்து முனையத்தில் பொது மலசலகூடத்தின் கட்டணம் 50 ரூபாவாக அதிகரிக்கப்பட்டுள்ளதாக தெரியவந்ததையடுத்து, கட்டணம் 40 ரூபாவாக குறைக்கப்பட்டுள்ளது.
கொழும்பு மாநகர சபையின் கட்டுப்பாட்டில் உள்ள சில பொது மலசலகூடங்களில் 20 முதல் 40 ரூபாய் வரை பல்வேறு கட்டணங்கள் வசூலிக்கப்படுகின்றன.
