Instagram Reels பயனர்களுக்கு மகிழ்ச்சியான செய்தி…!!!
Instagram நிறுவனமானது குறுகிய நேர வீடியோக்களை வெளியிடுவதற்கான வசதியினை ஆகஸ்ட் மாதம் 2020 ஆம் வெளியிட்டு இருந்தது. இது மக்கள் மத்தியில் பலத்த வரவேற்பை பெற்றுக்கொண்டது அதனைத்தொடர்ந்து குறிகிய நேர வீடியோக்கள் இணையத்தை ஆள தொடங்கியது எனலாம் அதற்கு முக்கியமான காரணமாக YouTube Shorts உம் அடங்கும்.
பயனர்களிடம் பலத்த வரவேற்பை பெற்ற Instagram Reels அம்சத்தை அப்பப்போது மேம்படுத்திய வண்ணம் இருக்கின்றார்கள். இந்த வசதியின் மூலம் ஆகக்கூடியது 3 நிமிட வீடியோக்களினை பகிர்ந்துகொள்ள முடியும் இது ஒரு மட்டுப்படுத்தப்பட்ட வசதியாக இருந்தது அதனை கருத்திற்கொண்ட Instagram நிறுவனம் புதிய வசதியினை கொண்டுவரப்போவதாக அறிவித்து இருக்கின்றார்கள்.
இனி YouTube வீடியோக்கள் போன்று நீண்ட வீடியோக்களையும் Instagram Reels இல் பகிர்ந்துகொள்ள முடியும்.
Instagram நிறுவனமானது இதுவரை காலமும் 3 நிமிடங்களாக மட்டுப்படுத்திவைத்திருந்த வீடியோக்களின் நேர அளவினை மாற்றம் செய்வதாகவும் YouTube வீடியோக்களுக்கு சிறந்த போட்டியாக இருக்கும் என்று எதிர்பார்க்கின்றார்கள். இந்த மேம்படுத்தப்பட்ட புதிய Update ஆனது ஓரிருவாரங்களில் உலகம் முழுவதும் இருக்கும் Instagram பயனாளர்களுக்கு கிடைக்கும் என்று எதிர்பார்க்கப்படுகின்றது.
