தலிபான்களிடம் ஐ.நா செயலர் கோரிக்கை

பெண்கள் சிறுமிகளின் உரிமைகளை தலிபான்கள் கடைப்பிடிக்க வேண்டும் என ஐ.நா பொதுச்செயலாளர் வலியுறுத்தியுள்ளார்.

ஐ.நா.சபையின் பொதுச் செயலாளர் ஆண்டனியோ குட்ரெஸ் பெண்கள் மற்றும் சிறுமிகளின் உரிமைகளை கடைபிடிக்குமாறு தலிபான்களுக்கு வேண்டுகோள் விடுத்துள்ளார்.

தலிபான்கள் வழங்கிய வாக்குறுதியை கடைபிடிக்க வேண்டும் என்றும் வலியுறுத்தியுள்ளார்.

இவ்விடயம தொடர்பில் ஐ.நா பொதுச்செயலாளர் இவ்வாறு மேலும் கூறியுள்ளார்.

தலிபான்கள் ஆட்சியைப் பொறுப்பேற்ற பின், பெண்கள், குழந்தைகள், சிறுபான்மையினர், முன்னாள் அரச அலுவலகர்கள்

உள்ளிட்ட ஆப்கன் குடிமக்களிடம் அவர்களின் உரிமைகள் பாதுகாக்கப்படும் என்று வாக்குறுதியளித்திருந்தனர்.

அந்த வாக்குறுதிகளை கடைபிடிக்குமாறு கடுமையாக வேண்டுகோள் விடுக்கிறேன்.

பெண்கள் மற்றும் சிறுமிகளுக்கு அளித்த வாக்குறுதிகளை நிறைவேற்ற வேண்டும்.

மேலும், சர்வதேச மனித உரிமைகள் மற்றும் மனிதாபிமான சட்டம் ஆகியவற்றின் கீழ் தங்கள் கடமைகளை நிறைவேற்ற வேண்டும் என்றும் ஐ.நா பொதுச்செயலாளர் வலியுறுத்தியிருந்தார்