அமெரிக்காவிடமிருந்து 160 விமானங்களை கொள்முதல் செய்வதற்காக கட்டார் ஒப்பந்தம் செய்துள்ளது.
டொனால்ட் ட்ரம்ப் (Donald Trump) 4 நாட்கள் அரசு முறை பயணமாக மத்திய கிழக்கு நாடுகளுக்கு சென்றுள்ளார்.
இந்தநிலையிலே நேற்றையதினம் (13) கட்டார் (Qatar) மன்னர் ஷேக் தமீம் பின் ஹமத் அல்தானியை சந்தித்து கலந்துரையாடிய போதே இந்த ஒப்பந்தம் கைச்சாத்திடப்பட்டுள்ளது.
கட்டார் விமான போக்குவரத்து துறையை மேம்படுத்தும் வகையில் 160 விமானங்களை அமெரிக்காவின் போயிங் விமான நிறுவனத்திடமிருந்து பெறுவதற்கு குறித்த ஒப்பந்தம் கைச்சாத்தானது.
அத்தோடு, இரு நாடுகளுக்கும் இடையே 200 பில்லியன் அமெரிக்க டொலர்கள் மதிப்பிலான ஒப்பந்தம் கைச்சாத்திடப்பட்டுள்ளது.
மேலும், இந்த சந்திப்பின்போது, இரு தலைவர்களும் பல்வேறு விவகாரங்கள் குறித்து கலந்துரையாடியமை குறிப்பிடத்தக்கது.