மன்னர் சார்லஸை பார்க்க கண்டிப்பாக நோட்டீஸ் கொடுக்க வேண்டும்! ஹரிக்கு ஏற்பட்ட நிலை
பிரித்தானிய அரண்மனையில் தங்குவதற்கும், மன்னரை சந்திப்பதற்கும் ஹரி இனி அறிவிப்பு கொடுக்க வேண்டும் என்ற செய்தி வெளியாகியுள்ளது.
இந்த மாதத்தில் வின்ட்சர் கோட்டையில் தங்குவதற்கு இளவரசர் ஹரிக்கு அறை மறுக்கப்பட்டது.
ஆனால் ராணியின் மறைவு நாளில் தந்தை சார்லஸுடன் பால்மோரலில் தங்குவதற்கான வாய்ப்பு ஹரிக்கு வழங்கப்பட்டது.
எனினும், தனது பயணத்திட்டம் காரணமாக அது ஹரிக்கு சாத்தியமற்றதாக மாறியதாக கூறப்பட்டது.
இந்த நிலையில், மன்னர் சார்லஸை சந்தித்து ஏதேனும் அரச சொத்துக்களில் ஹரி தங்க விரும்பினால், அவர் முறையான நோட்டீஸ் கொடுக்க வேண்டும் என்ற செய்தி தற்போது வெளியாகியுள்ளது.
ஆனால், இந்த கடிதப் பரிமாற்றம் குறித்து மன்னர் சார்லஸ் அறிந்திருந்தாரா என்பது தெளிவாக தெரியவில்லை.
Telegraph கூற்றுப்படி, சனவரியில் பிரித்தானியாவுக்கு திரும்பும் ஹரி, விண்ட்சரில் உள்ள சொத்துக்களில் தொடர்ந்து தங்குவதற்கு அனுமதிக்கப்படுவார், ஆனால் பொருத்தமான எச்சரிக்கை வழங்கப்பட்டால் மட்டுமே என கூறப்பட்டுள்ளது.