இஸ்ரேல் புலனாய்வுப் பிரிவின் இரண்டாவது மிகப் பெரிய தோல்வி!
காசாவிலுள்ள மிகப்பெரிய வைத்தியசாலை என்று கூறப்படுகின்ற Al-Shifa வைத்தியசாலை விவகாரம் என்பது இஸ்ரேலிய புலனாய்வுப் பிரிவு அண்மைக்காலத்தில் எதிர்கொண்ட இரண்டாவது மிகப் பெரிய தோல்வி; என்றே கூறவேண்டி இருக்கின்றது.
ஓக்டோபர் 7ஆம் திகதி இஸ்ரேல் மீது ஹமாஸ் பாரிய ஒருங்கிணைந்த அதிரடித்தாக்குதலை மேற்கொள்ளுவார்கள் என்பதைக் கணிக்கத் தவறியிருந்ததுதான் – இஸ்ரேலிய அண்மைக்கால வரலாற்றில் , அதனது புலனாய்வுப் பிரிவு பெற்ற மிகப் பெரிய தோல்வி என்று கூறப்படுகின்றது.
அதேபோன்று, காசாவின் Al-Shifa வைத்தியசாலையில் ஹமாசின் கட்டளைத் தளம் இருப்பதாக இஸ்ரேலின் புலனாய்வுப் பிரிவுகள் கூறிவந்தபோதும், அப்படி எதுவுமே அந்த வைத்தியசாலையில் கண்டுபிடிக்கப்படாததானது, இஸ்ரேலியப் புலனாய்வுப் பிரிவுகள் அண்மைக்காலத்தில் பெற்றுள்ள இரண்டாவது தோல்வி என்று கூறலாம்.
