ஹமாஸ் அமைப்பின் முக்கிய பெண் தலைவர் கொலை: இஸ்ரேல் ராணுவம் தகவல்
ஹமாஸ் அமைப்பின் அரசியல் பிரிவின் முதல் பெண் தலைவர் ஜமிலா அப்துல்லா தாஹா அல் சான்டி கொல்லப்பட்டதாக இஸ்ரேல் இராணுவம் தகவல் தெரிவித்துள்ளது.
ஹமாஸின் முக்கியத் தலைவரான அப்தெல் அஜிஸ் அல்-ரான்டிசியின் மனைவியான இவர் பாலஸ்தீன சட்ட சபையின் உறுப்பினர் எனவும் தெரிவிக்கப்படுகிறது.
நீண்ட வருடங்களாக ஜமீலா மீது இஸ்ரேல் குறிவைத்ததாகக் கூறப்படுகிறது.
இஸ்ரேல்– ஹமாஸ் இடையேயான போர் நாளுக்கு நாள் தீவிரம் அடைந்து வரும் நிலையில், இஸ்ரேலுக்கு ஆதரவான நாடுகளின் தலைவர்கள் அந்த நாட்டுக்கு நேரில் சென்று இஸ்ரேலுக்கு ஆதரவு தெரிவித்து வருகின்றனர்.
ஆனால் இஸ்ரேல் ஹமாஸைச் சேர்ந்த முக்கிய தலைவர்களை குறிவைத்து தாக்குதல் நடத்தி வருகின்றமை குறிப்பிடத்தக்கது.
