ராகுல் காந்தி டி ஷர்ட்டில் உள்ள ஆங்கில வார்த்தை.., பிரச்சாரத்தில் சுவாரஸ்யம்
வயநாடு தேர்தல் பிரச்சாரத்தின்போது ராகுல் காந்தி அணிந்திருந்த டி ஷர்ட் சமூக வலைதளங்களில் வைரலாகி வருகிறது.
இந்திய மாநிலமானா கேரளா, வயநாடு மக்களவை தொகுதியில் வரும் 13 -ம் திகதியில் இடைத்தேர்தல் நடைபெறவுள்ளது.
இந்த தொகுதியில் காங்கிரஸ் சார்பில் ஏற்கனவே போட்டியிட்ட ராகுல் காந்தியின் சகோதரி பிரியங்கா காந்தி போட்டியிடுகிறார்.
இந்நிலையில், வயநாடு தொகுதியில் தேர்தல் பிரச்சாரங்களை பிரியங்கா காந்தி மேற்கொண்டு வருகிறார். தொகுதி முழுவதும் சுற்றுப் பயணம் சென்று வாக்காளர்களை நேரடியாக சந்தித்து ஆதரவை திரட்டி வருகிறார்.
மேலும், பல்வேறு பொதுக்கூட்டங்களில் கலந்து கொண்டு வருகிறார். அதுமட்டுமல்லாமல், கல்லூரி மாணவ மாணவியரை சந்தித்து ஆதரவு சேகரித்து வருகிறார்.
அந்தவகையில், பிரச்சாரம் முடியவுள்ள நிலையில் சுல்தான் பத்தேரி பகுதியில் பிரியங்கா காந்தியுடன் சேர்ந்து மக்களவை எதிர்க்கட்சித் தலைவர் ராகுல் காந்தியும் இன்று பிரசாரம் மேற்கொண்டார்.
அப்போது ராகுல் காந்தி அணிந்திருந்த டீ-ஷர்ட் பின்புறம் ‘I LOVE WAYANAD’ என்று எழுதப்பட்டிருந்தது. இதனை பார்த்த மக்கள் ஆர்ப்பரித்தனர். இது தொடர்பான வீடியோவும் சமூக வலைதளத்தில் பரவி வருகிறது.
