மூன்றாம் பாலினத்தவர்களுக்கு அங்கீகாரம் வழங்கியது அமெரிக்கா

ஆண் அல்லது பெண் என அடையாளப்படுத்த முடியாத மூன்றாம் பாலினத்தவர்களுக்கு “X” என்ற பாலின பெயரைப் பயன்படுத்த அனுமதிக்கும் முதல் பாஸ்போர்ட்டை அமெரிக்கா வழங்கியுள்ளது.

இவ் விடயத்தில் ஆஸ்திரேலியா, நியூசிலாந்து, நேபாளம் மற்றும் கனடா உள்ளிட்ட சில நாடுகளுடன் அமெரிக்காவும் தற்போது இணைந்துள்ளது.

இந் நாடுகள், தமது நாட்டு குடியுரிமை கொண்ட மக்கள், அவர்களது கடவுச்சீட்டில் ஆண் அல்லது பெண் ஆகிய பாலினத்தை தவிர மூன்றாவதாக வேறு பாலினத்தை பதிவுசெய்யவும் அனுமதி வழங்குகின்றன.

LGBTQ உரிமைகளுக்கான அமெரிக்க சிறப்பு இராஜதந்திர தூதர் ஜெசிகா ஸ்டெர்ன், இந்த முடிவானது அரசாங்க ஆவணங்களை “வாழும் யதார்த்தத்திற்கு” ஏற்ப கொண்டுவருகிறது என கூறியுள்ளார்.

முந்தைய இரண்டு பாலின வகைகள் பிரதிபலிக்கப்பட்டதை விட, மனித பாலின பண்புகளின் பரந்த அளவிலான கண்ணியம் இந்த மூன்றாவது பாலினத்தை அங்கீகரிப்பதன் மூலம் இருக்கிறது.

ஒரு நபர் தனது உண்மையான அடையாளத்தை பிரதிபலிக்கும் அடையாள ஆவணங்களைப் பெறும்போது, ​​அவர்கள் அதிக கண்ணியத்துடனும் மரியாதையுடனும் வாழ்கிறார்கள்” என ஸ்டெர்ன் மேலும் தெரிவித்துள்ளார்.

#World