காசாவில் நடந்த சண்டையில் இந்திய வம்சாவளி வீரர் உயிரிழப்பு: இஸ்ரேல் பாதுகாப்பு துறை வருத்தம்

காசாவில் நடந்த சண்டையில் இந்திய வம்சாவளி வீரர் உயிரிழப்பு: இஸ்ரேல் பாதுகாப்பு துறை வருத்தம்

இஸ்ரேல் ஹமாஸ் இடையிலான போரில் இந்திய வம்சாவளியை சேர்ந்த நபர் ஒருவர் கொல்லப்பட்டுள்ளார்.

இஸ்ரேல் ஹமாஸ் இடையிலான போர் நடவடிக்கை கடந்த அக்டோபர் மாதம் 7ம் திகதி முதல் தொடர்ந்து நடைபெற்று வருகிறது.

இந்த போர் தாக்குதலில் கடந்த சில வாரங்களாக ஹமாஸ் பகுதியான காசாவிற்குள் இஸ்ரேலிய ராணுவம் தரைவழி தாக்குதலை முன்னெடுத்து வருகிறது.

இதனால் இருதரப்பிலும் நூற்றுக்கணக்கான வீரர்கள் கொல்லப்பட்டு வருகின்றனர்.

இந்நிலையில் காசா எல்லையில் நடைபெற்ற சண்டையின் போது இந்திய வம்சாவளியை சேர்ந்த இஸ்ரேல் ராணுவ வீரர் கொல்லப்பட்டு இருப்பதாக தகவல் வெளியாகியுள்ளது.

செவ்வாய்க்கிழமை நடைபெற்ற மோதலில் ஆஷ்டோட் பகுதியை சேர்ந்த இந்திய வம்சாவளி இஸ்ரேலிய ராணுவ வீரர் கில் டேனியல்ஸ்(34) கொல்லப்பட்டுள்ளார்.

இஸ்ரேலிய பாதுகாப்பு படை தெரிவித்த தகவலில், காசா எல்லையில் நடந்த சண்டையில் கில் டேனியல்ஸ் உடன் சேர்ந்து மேலும் 2 பேர் கொல்லப்பட்டு இருப்பதாக குறிப்பிட்டுள்ளது.

மேலும் இந்திய யூத பாரம்பரிய மையம், மாஸ்டர் கில் டேனியல்ஸ் கொல்லப்பட்டதை எண்ணி வருந்துகிறோம் என தெரிவித்துள்ளது.