போர்நிறுத்தத்திற்கு அழைப்பு, ஆனால் பாலஸ்தீன புலம்பெயர்ந்தோருக்கு மறுப்பு! கனேடிய பிரதமரின் முரணான நிலைப்பாடு
கனேடிய பிரதமர் ஜஸ்டின் ட்ரூடோ காசாவில் போர் நிறுத்தத்திற்கு அழைப்பு விடுக்கும் அதே நேரம், அவர் இன்னும் பாலஸ்தீன புலம்பெயர்ந்தோரை வரவேற்க மறுக்கிறார்.
இந்த வார தொடக்கத்தில் பிரித்தானிய பிரதமர் ரிஷி சுனக், பிரான்ஸ் மற்றும் ஜேர்மனியுடன் இணைந்து தாக்குதலை நிறுத்த நிலையான போர் நிறுத்தத்திற்கு அழைப்பு விடுத்தார்.
மேலும் அவர் அதிகமான பொதுமக்கள் உயிர்களை இழந்துள்ளனர் என்று குறிப்பிட்டார். ஆனால், ஜஸ்டின் ட்ரூடோ இறுதியாக ஒரு மனிதாபிமான பேரறிவைக் கொண்டிருந்தார்.
அவர் நெதன்யாகுவிடம் மிக நீண்ட காலத்திற்கு முன், ‘காசா மற்றும் மேற்குக் கரையில் இஸ்ரேல் தன்னைத் தற்காத்துக் கொள்ளும் உரிமையைக் கொண்டிருப்பதால், தன்னால் என்ன வேண்டுமானாலும் செய்ய முடியும்’ என்று கூறியிருந்தார்.
இந்த நிலையில் பல வாரங்களுக்கு பிறகு ரிஷி சுனக்கை போலவே ட்ரூடோவும் காசா மீது அக்கறை கொண்டிருப்பதாக தோன்றுகிறது.
அதாவது, கனடாவின் ஐ.நா தூதர் Bob Rae கடந்த வாரம் கனடா போர்நிறுத்தத்தை ஆதரிப்பதாக பொதுச்சபையில் தெரிவித்தார். இதன்மூலம் ட்ரூடோ காசாவில் நிலையான போர்நிறுத்தத்திற்கு ஆதரவு தெரிவிக்கிறார்.
ட்ரூடோவின் முடிவு லிபரல் காக்கஸுக்கு உள்ளேயும், வெளியேயும் ”போர்நிறுத்தம் இல்லை” என்ற ஆவேசமான சொல்லாட்சிப் பதிலைத் தூண்டியுள்ளது.
கடந்த 2015ஆம் ஆண்டு ஒரு முக்கிய ஒற்றுமையின் வெளிப்பாடாக, கனடாவுக்கு வந்த முதல் சிரிய புலம்பெயர்ந்தோர்களை ”Operation Syrian Refugees” என்ற திட்டத்தின் ஒரு பகுதியாக விமான நிலையங்களில் ட்ரூடோ வரவேற்றார்.
மேலும் அவர் 2020யில், ‘ஒரு நாடாக மோதல்கள், பாதுகாப்பின்மை மற்றும் துன்புறுத்தல் ஆகியவற்றில் இருந்து தப்பிக்கும் மக்கள் மற்றும் குடும்பங்களுக்கு நாங்கள் எங்கள் கைகளையும், இதயங்களையும் திறந்துள்ளோம்’ என கூறினார்.
இந்த நிலையில் காசாவில் போர்நிறுத்தத்தை ட்ரூடோ வலியுறுத்தினாலும், பாலஸ்தீன புலம்பெயர்ந்தோரை வரவேற்க மறுத்து முரண்பட்டு காணப்படுகிறார் என குற்றச்சாட்டு நிலவுகிறது.
